Bölgə
23 sentyabr 2020
594
Azərbaycan ziyalısı-insanlıq nümunələrini geniş ürəyində, nəcib əməllərində yaşadan xeyirxah insan - Musa Şəkiliyev
Doğum gününüz mübarək, Musa müəllim!
Bu gün dəyərli Azərbaycan ziyalısı-insanlıq nümunələrini geniş ürəyində, nəcib əməllərində yaşadan xeyirxah insan, xalqını, millətini, dövlətini qəlbən sevən tutarlı icra başçısı, Azərbaycan ocağının layiqli nümayəndəsi Musa Şəkiliyevin doğum günüdür!
Təbrik edirəm hörmətli Musa müəllim. Sizə xalqımızın, millətimizin xoşbəxt gələcəyi naminə ALLAHdan möhkəm can sağlığı, uzun və mənalı ömür, yüksək yaradıcılıq imkanları, həyat və fəaliyyətinizdə əlçatmaz uğurlar arzulayıram! 100 yaşayın!
Qax rayon İcra Hakimiyyəti başçısı İnzibati Ərazi Dairələri üzrə nümayəndələrinin iştirakı ilə onlayn müşavirə keçirib
Baş Nazir Əli Əsədovun sədrliyi ilə koronavirus pandemiyası ilə əlaqədar Azərbaycan Respublikasında görülən işlər və qarşıda duran vəzifələrə həsr olunmuş Respublika videokonfransı keçirilmişdir.
Videokonfransdan irəli gələn məsələlərin həlli ilə əlaqədar 10 avqust 2020-ci il tarixdə Rayon İcra Hakimiyyətinin başçısı Musa Şəkiliyevin sədrliyilə inzibati ərazi dairələri üzrə nümayəndələrin və bələdiyyə sədrlərinin iştirakı ilə onlayn müşavirə keçirilmişdir.
Müşavirədə COVID-19 pandemiyası ilə əlaqədar rayonda mövcud vəziyyət təhlil olunmuş, qarşıda duran vəzifələr müəyyənləşdirilmiş və müvafiq tapşırıqlar verilmişdir.
Şəhərdaxili yollar asfaltlaşdırılır
Son illər cənab Prezident İlham Əliyevin rəhbərliyi altında regionlarının sosial-iqtisadi inkişafı Dövlət Proqramlarının uğurlu icrası sayəsində respublikamızın bütün bölgələrində, o cümlədən rayonumuzda da həyata keçirilən abadlıq-quruculuq işləri ildən-ilə geniş vüsət alır.
Şəhərin daxili küçələrinin asfaltlaşdırılması istiqamətində də işlər davam etdirilir. Aparılan abadlıq-quruculuq işləri çərçivəsində artıq Məmməd Rahim küçəsinə asfalt örtüyü qoyulub.
M.Ə.Sabir, S.C.Pişəvəri, M.Maqomayev, İ.Abdullayev küçələrində, habelə C.Cabbarlı küçəsində yerləşən döngələrdə də abadlıq və asfalt örtüyünün qoyulması üçün hazırlıq işləri davam etdirilir.
Rayon İcra Hakimiyyətinin başçısı Musa Şəkiliyev - Mənim prezidentim daim ölkəm üçün çalışır
Müasir Azərbaycan Respublikasının banisi ulu öndər Heydər Əliyevin layiqli varisi olan möhtərəm prezidentimiz İlham Əliyev cənablarının 17 illik fəaliyyətinə nəzər saldıqda,onu xalqını qəlbən sevən, dərin erudisiyalı.qətiyyətli,dövrün çağırışlarına çevik cavab verən bir lider olduğunu görürük. Möhtərəm prezidentimizi dünyada güclü bir siyasətçi kimi qəbul edilir və ona daim hörmətlə yanaşırlar.Onun apardığı düşünülmüş.uzaqgörən siyasət nəticəsində ölkə iqtisadiyyatı son illər sürətli və dinamik inkişaf yoluna qədəm qoydu.
Bu gün Azərbaycan azad və mütərəqqi düşüncə tərzinin diktə etdiyi bazar iqtisadiyyatı, demokratiya və vətəndaş cəmiyyəti quruculuğu yoluna sadiqliyini sübuta yetirmişdir. Dövlət başçımızın gerçəkləşdirdiyi uğurlu diplomatiya yeni əsrdə Azərbaycanın nəinki bölgədə.bütün dünyada layiqli yerini tutmasını, regional liderliyini təmin etmişdir. Bakı-Tbilisi-Ceyhan əsas ixrac neft boru kəmərinin, eləcə də Bakı-Tbilisi-Ərzurum qaz kəmərinin, Bakı-Tbilisi-Qars dəmir yolunun istismara verilməsi, TAP, TANAP layihələrinin reallaşdırılması Azərbaycanın beynəlxalq münasibətlər sistemindəki mövqelərini daha da gücləndirmişdir.
Müharibə şəraitində yaşayan Azərbaycan eyni zamanda bölgədə ən müasir silahlarla təmin olunmuş güclü orduya sahib olmuşdur.Bu da iyul ayında Tovuz hadisələrində bir daha özünü parlaq şəkildə göstərdi.Torpaqlarımızda təxribat törətmək istəyən düşmən ordumuzdan güclü zərbə aldı və Azərbaycan ordusunun əzmi qarşısında geri çəkilməli oldu.
"Siyasətimizin əsasında Azərbaycan vətəndaşı dayanır" - deyən cənab Prezident İlham Əliyev keyfiyyətcə yeni mərhələdə insan və vətəndaş mənafeyinə xidmət edən islahatların həyata keçirilməsini pandemiya zamanı nəinki dayandırmadı.əksinə daha da dərinləşdirdi.Onun apardığı bu islahatlar geniş xalq kütlələri tərəfindən böyük rəğbətlə qarşılandı və müdafiə olundu.Möhtərəm prezidentimiz karantin günlərində də daim diqqətini iqtisadiyyatın inkişafına,sadə vətəndaşın həyat rifahının yüksəldilməsinə yönəltdi.
Belə ki.14 sentyabr 2020-ci il tarixdə Sumqayıt Kimya Sənaye Parkının nəzdindəki Peşə Təhsil Mərkəzinin açılışındakı çıxışında cənab prezident bir daha ölkə iqtisadiyyatının inkişafını öz fəaliyyətinin prioritet amili olduğunu bəyan etdi:”Daxili tələbat nə qədər mümkünsə, yerli məhsullar hesabına təmin edilməlidir.Son illərdə bu işləri görməklə buna böyük dərəcədə müvəffəq olmuşuq. İndi əsas işimiz ondan ibarətdir ki, baxmalıyıq, harada bizdə idxaldan asılılıq daha böyükdür və bunu əvəzləmək mümkündürsə, bunun üçün xammal varsa, yaxud da texniki-iqtisadi əsaslandırma buna imkan verirsə, mütləq həmin sahələrə böyük diqqət göstərilməlidir”.
Xaricdə yaşayan soydaşlarımıza daim böyük diqqət göstərən dövlət başçımız respublikamızın inkişafında dünya azərbaycanlılarının da iştirakını görmək istəyir.onların imkan və səylərini dövlətimizin inkişafı üçün vacib məqam hesab edir: ”Xaricdə yaşayan azərbaycanlı iş adamları da gəlib Azərbaycana vəsait qoysunlar. Azərbaycan onların vətənidir və onlar hər zaman Azərbaycanın dəstəyini görürlər, güclü Azərbaycan onların da gücünü artırır. Ona görə azərbaycanlılar müxtəlif ölkələrdə iqtisadiyyat, kommersiya, biznes sahələrində böyük uğurlar əldə ediblər. Onlar da öz vətəninə vəsait qoymalıdırlar, öz vətəni ilə daim əlaqə saxlamalıdırlar”.
Heç kəsə sirr deyil ki, gənclik bir millətin yaşaması və inkişafı üçün təməl daşıdır. Bir millətin mövcud olması üçün onun sağlam gəncliyinin olması vacib şərtdir.Hər bir ölkədə dövlətçiliyin, müstəqilliyin daha da möhkəmləndirilməsi potensial kadrların yetişdirilməsindən, onların aparıcı qüvvəyə çevrilməsindən çox asılıdır. Bu baxımdan ölkəmizdə gənclərlə iş sahəsində görülən tədbirlər Azərbaycan gəncliyinin inkişafına təkan vermiş, onların cəmiyyətdə özlərini təsdiq etməsində böyük rol oynamışdır.
Bu gün Azərbaycanda gənclər siyasəti dövlət siyasətinin mühüm tərkib hissəsidir. Azərbaycan gəncliyi ictimai həyatın bütün sferalarında aktiv iştirak edir və onların fəaliyyəti üçün dövlətimiz geniş imkanlar yaradır. Çünki Prezident Cənab İlham Əliyevin apardığı uğurlu siyasət birbaşa vətəndaşın,o cümlədən Azərbaycan gəncinin sosial rifahına yönəlib
“Sumqayıt Kimya Sənaye Parkının ümumi inkişaf tendensiyası yeniliklərə münasibətilə fərqlənir. Elə nəzdində açılışı olan Peşə Təhsil Mərkəzini də bu xüsusda fərqləndirmək olar. Çünki ilk dəfədir ki, ölkədəki sənaye parkı ərazisində peşə təhsili müəssisəsi yaradılır, bununla da bir neçə strateji hədəfə nail olunur: tələbələrə müasir infrastruktura malik mərkəzdə dövrün tələbinə uyğun bacarıqlar və peşə vərdişləri aşılanacaq. Təlim-tədris prosesində iştirak edəcək mütəxəssislər elə parkın rezidentlərinin yüksəkixtisaslı işçilərindən olacaq. Öz növbəsində tələbələr də Sumqayıt Kimya Sənaye Parkının müəssisələrində təcrübə keçməklə, iş yeri əldə etmək imkanı qazanacaqlar.”
Təmsil etdiyim SOCAR-ın Qobustan Regional Təlim Mərkəzi məhz belə bir qayğının,belə bir fəaliyyətin nəticəsində yaranmışdır. Peşə ixtisaslı fəhlə kadrlarına olan tələbatı nəzərə alaraq, Azərbaycan Respublikası Dövlət Neft Şirkəti 2013-cü ildə Təlim, Tədris və Sertifikatlaşdırma İdarəsinin nəzdində beynəlxalq peşə təhsili standartlarına cavab verən müasir tədris otaqları, ən yeni avadanlıqlarla komplektləşdirilmiş, yüksək ixtisaslı kadrların hazırlanması üçün nəzərdə tutulan fənn kabinələri və qaynaq emalatxanası, ən yeni texniki vasitələr və alətlərlə təmin olunmuş Qobustan Regional Təlim Mərkəzini yaratdı. Bu mərkəz cənab Prezidentin gənclərimizə olan qayğısının parlaq təzahürü idi.Azərbaycanın müxtəlif bölgələrindən olan yüzlərlə gənc burda təhsil alaraq müxtəlif peşələrə yiyələnirlər.
Bu gün cənab Prezident tərəfindən uğurla, yeni dövrün tələblərinə uyğun şəkildə aparılan islahatlar ölkəmizin siyasi-iqtisadi inkişafını, o cümlədən sosial rifahının yüksəlişini təmin edir.Cənab İlham Əliyevin prezident olduğu 17 ildə ölkəmizin həyatının müxtəlif sferalarında- istər iqtisadiyyat və ya mədəniyyət, istər idman, istərsə də elm və təhsil sahələrində baş verən dinamik inkişaf Azərbaycan xalqı tərəfindən rəğbətlə qarşılanır.Xalq öz prezidentini sevir və daim ona dəstəyini nümayiş etdirir.Bu güc,bu birlik-həmrəylik əbədidir,tükənməzdir.
Daha çox xəbər:
Doğum gününüz mübarək, Cavid müəllim!
Gündəm, Cəmiyyət
Arzu xanım Alızadə: İlham Əliyev - inkişafımızın qarantı
Gündəm, Cəmiyyət
Cavid Qurbanov: Güclü Azərbaycanımız üçün Prezident İlham Əliyevə minnətdar ...
Gündəm, Siyasət
İlham Əliyev: “Azəri”, “Çıraq”, “Günəşli” yataqlarında təbii tənəzzül qaçıl ...
Siyasət