Cəmiyyət
19 iyun 2020
1045
Bazar günündən iyulun 5-dək qoyulan qadağaların — TAM SİYAHISI

İkihəftəlik sərt karantin rejiminin şərtləri açıqlanıb.
Bu barədə Operativ Qərargahın nümayəndəsi Leyla Abdullayeva məlumat verib.
Qurum rəsmisi bildirib ki, şərtlərə SMS xəbərdarlıq və xüsusi icazə əsasında evdən çıxmanın tətbiq olunması, dövlət və özəl təşkilatlarda məhdudiyyətlər - yəni, müxtəlif vaxtlarda işə başlanılması, işçi heyətin həftəlik əsasda 3 qrupa bölünməsi, ticarət mərkəzlərinin fəaliyyətinin dayandırılması, ictimai iaşə obyektlərində müştərilərə yerində xidmətin dayandırılması, bərbərxana, gözəllik salonları və kosmetik xidmətlər, o cümlədən bu xidmətlərin müştərilərin evində və digər məkanlarda xidmətlərin dayandırılması, müzey və sərgi zallarının fəaliyyətinin dayandırılması daxildir.
Bundan başqa, malların satışı və xidmətlərinin göstərilməsi ilə istisnalar nəzərə alınmaqla məhdudiyyətlər tətbiqi, eləcə də açıq havada idman oyunları da qadağandır.milli.az
Eyni zamanda, rayonlararası və şəhərlərarası nəqliyyatın hərəkəti, idman, sağlamlıq bərpa üzrə xidmətlər (tibbi xidmətlər istisna), mədəniyyət obyektləri, kinoteatrların, teatrların, idman zallarının fəaliyyəti də məhdudiyyətə daxildir. Otellərin fəaliyyətinin bərpası, beynəlxalq səfərlər də qadağandır.
Dəfn mərasimləri istisna olmaqla, yas mərasimlərin təşkili, tədbirlərin təşkili üzrə xidmətlər, təhsil müəssələrində fəaliyyətin dayandırılması, eləcə də 10 nəfərdə artıq qrupda cəmləşməklə bağlı qadağalar qüvvədə qalır.
Xüsusi karantin rejimi dövründə market və apteklər fəaliyyət göstərəcək.
Qeyd edək ki, iyunun 21-dən iyulun 5-dək Bakı, Gəncə, Yevlax, Sumqayıt, Lənkəran şəhərləri və Masallı, Cəlilabad, Abşeron rayonları üzrə xüsusi məhdudiyyətlər tətbiq olunacaq.

Daha çox xəbər:

Bu dəfə sərtləşdirilmiş karantin rejimi belə olacaq
Cəmiyyət
Sabahdan market və apteklər işləyəcək? — RƏSMİ AÇIQLAMA
Gündəm, Cəmiyyət
Sərt karantində bu rayonlarda işləməyəcək sahələr — SİYAHI
Cəmiyyət
Sərt karantin rejimi iyulun 20-dək uzadıldı — RƏSMİ AÇIQLAMA
Cəmiyyət
Azərbaycanda karantin rejimi yenidən sərtləşdirildi — RƏSMİ
Cəmiyyət