Qalmaqallı direktor işdən çıxarıldı, Agentliyi məhkəməyə verdi

Bakının Xətai rayonunda yerləşən 25 nömrəli tam orta məktəbin keçmiş direktoru Fəridə Şərifova, Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinə qarşı məhkəmə iddiası qaldırıb.

"Qaynarinfo"nun məlumatına görə, Şərifovanın iddiası işinə bərpa olunması və işsiz qaldığı müddət ərzində əməkhaqqının ödənilməsi ilə bağlıdır.

Məhkəmə prosesi Nərimanov Rayon Məhkəməsində keçiriləcək və işə hakim Ramin Quliyev baxacaq.

Xatırladaq ki, Fəridə Şərifova 2022-ci ildə rəhbərlik etdiyi məktəbdə qanunsuz əməllərə yol verdiyi iddiaları ilə gündəmə gəlmişdi və həmin dövrdən sonra onun işdən çıxarıldığı bildirilir.