Bu avtobusların hərəkət sxemi müvəqqəti olaraq dəyişdirilib

Bakıda sərnişin avtobusunun hərəkət istiqaməti dəyişdirilib.
Bu barədə "Ölkə.Az" Bakı Nəqliyyat Agentliyindən (BNA) məlumat verilib.

Bildirilib ki, 112 nömrəli müntəzəm marşrut xətti üzrə avtobusların hərəkət sxemi müvəqqəti olaraq dəyişdirilib.

Dəyişikliyə səbəb Xəzər rayonu Şağan qəsəbəsində kanalizasiya xəttində qəzanın baş verməsidir.

Hazırda marşrut xətti üzrə avtobuslar Hacı Zeynalabdin Tağıyev küçəsi - Şüvəlan yolu ilə hərəkət edirlər.