Moskvada Təqaüdçü Lotereyada 170 Milyon Rubl Qazanıb

Rusiyanın paytaxtı Moskvada yaşayan təqaüdçü mühəndis Sergey S. "Sportloto" lotereyasının "20-dən 4" növündə iştirak edərək təxminən 170 milyon rubl (təxminən 3 milyon 366 min manat) qazanıb. Sergey uduşunu artırmaq üçün 1250 rubla (təxminən 25 manat) çoxtirajlı bilet alıb. Qazandığı pul mükafatı (25,4 milyon rubl məbləğində vergi çıxılmaqla) 180 gün ərzində ona təqdim olunacaq.

Sergey, anonimlik hüququndan istifadə edərək ictimaiyyətə açıqlama verməkdən imtina edib. O, qazandığı məbləğin bir hissəsini avtomobil almağa, digər hissəsini isə yaxınları arasında bölüşdürməyi planlaşdırır.