“Mən o liderlərdən deyiləm ki, söz qəbul edəm”

“Bu 44 gün ərzində bütün dünya gördü ki, heç kim bizim qarşımızda dura bilməz, bizə şərt qoya bilməz”.

Bunu Azərbaycan Prezidenti İlham Əliyev xalqa müraciətində deyib.

“Müharibənin ilk günlərində bizə şərt qoymaq istəyən, hədələmək istəyən, şərləmək istəyən bəzi qərb ölkələrin nümayəndələri sərt cavablarını aldılar. Gördülər ki, biz o ölkələrdən deyilik ki, kiminsə qarşısında baş əyək. Mən də o liderlərdən deyiləm ki, kimdənsə nəsə söz qəbul edəm. Artıqlaması ilə cavab vermişəm və verəcəyəm. Ona görə əgər erməni faşizmi bir də baş qaldırsa, bizə qarşı hansısa təxribata əl atsa, on qatını alacaqlar və kimsə bizi durdura bilməz”.