Əsrdən yuxarı tarixə malik Azərbaycan polisi şərəfli bir yol keçərək, Vətənə, xalqa sədaqətlə və ləyaqətlə xidmət edib, dövlətçiliyin əsas sütunlarından birinə çevrilib

İctimai-siyasi sabitlik hüquqi dövlət və vətəndaş cəmiyyəti quruculuğu yolu seçmiş hər bir dövlətin mövcudluğunun mühüm şərtlərindən biridir. Müstəqil Azərbaycanın son illərdə bütün sahələrdə sürətlə inkişaf edən, beynəlxalq miqyasda böyük nüfuz sahibi olan dövlətlərdən birinə çevrilməsi də əsası dünya şöhrətli siyasətçi, ümummilli lider Heydər Əliyev tərəfindən qoyulmuş ictimai-siyasi sabitlik amilinə söykənir. Məhz bu sabitlik nəticəsində mürəkkəb geosiyasi-coğrafi məkanda yerləşən Azərbaycanın dünya miqyasında sivil, demokratik yolla irəliləyən, beynəlxalq hüquq normalarına və prinsip-lərinə hörmətlə yanaşan dövlət imici daha da möhkəmlənmişdir.
Respublikamızda ictimai asayişin, qanunçuluğun və hüquq qaydalarının etibarlı təminatı, vətəndaşların konstitusion mənafelərinin yüksək səviyyədə qorunması, yol-hərəkət təhlükəsizliyin sabitliyi Azərbaycanın ötən müddətdə qazandığı ən mühüm nailiyyətlər sırasındadır. Danılmaz həqiqətdir ki, respublikamızın ictimai-siyasi sabitlik şəraitində inkişafında, ictimai asayişin qorunmasında, cinayətkarlığa qarşı mübarizənin səmərəli təşkilində, dövlətçiliyin hər cür cinayətkar qəsdlərdən müdafiəsində, vətəndaşların təhlükəsiz yaşamaq kimi fundamental hüququnun təminatında Daxili İşlər Nazirliyinin və onun ayrı-ayrı strukturlarının müstəsna rolu vardır. Dövlət yol hərəkət təhlükəsizliyinin bütün forma və təzahürlərinə qarşı yüksək səviyyədə əzmkarlıq göstərən daxili işlər orqanları qanunla üzərinə düşən vəzifələri yerinə yetirməklə, iqtisadi inkişafın mühüm şərti olan sabitliyin təminatı üçün bütün zəruri tədbirləri həyata keçirməklə xalqın və dövlətin sadiq keşikçisinə çevrilmiş, ictimai etimad qazanmışlar. Bütün bu sadaladığımız nüansların başlıca səbəbi və səbəbkarı Azərbaycan Respublikası Daxili İşlər Nazirliyinin Baş Dövlət Yol Polisi İdarəsinin rəisi, polis general-mayoru Ramiz müəllim Zeynalov başlıca vəzifə sahiblərindən biridir. Ramiz müəllim nəinki, yol-hərəkət qaydalarına nəzarət sisteminin gücləndirilməsində müstəsna xidmətləri vardır, hətta Dövlət Yol Polisi strukturunda islahatların aparılmasında da mühum xidmətləri vardır.
Azərbaycanda yol polisinin peşəkarlığı ildən-ilə artır: “Onlar nəinki öz işlərini görürlər, hətta vətəndaşlara kömək də edirlər. Azərbaycan polisi təhlükəsizliyi tam təmin edir. Azərbaycan bir neçə beynəlxalq yarışlara ev sahibliyi edib. Həmin oyunlar zamanı polis təhlükəsizliyi təmin etdilər, biz ona görə də polislərə, başda Azərbaycan Respublikası Daxili İşlər Nazirliyinin Baş Dövlət Yol Polisi İdarəsinin rəisi, polis general-mayoru Ramiz Zeynalova minnətdarlığımızı bildiririk”.
Ölkə mətbuatını izləyən hər kəs gündəlik olaraq Dövlət Yol Polisinin fəaliyyətinin müxtəlif tərəflərini əks etdirən onlarla yazı və məlumatlarla rastlaşır. Cəmiyyətin diqqət mərkəzində olduğundan az qala hər bir vətəndaşdan DYP ilə bağlı maraqlı mövqe eşitmək mümkündür.
Bəzən bəzi insanlar (sürücülər) DYP əməkdaşlarının fəaliyyətindən narazı qalır, bu narazılığı bütövlükdə həmin sistemin qiymətləndirilmə meyarına çevirir.Bütün bu cür halların qarşısını alınmasında BDYPİ-nin Yol-Patrul Xidməti şöbəsinin rəisi Kamran Əliyev danılmaz xidmətləri vardır. Kamran müəllim həmişə vətəndaş-polis mövqeyinə müsbət yanaşaraq onların həllində birbaşa iştirak edərək, yaranan problemləri həll edir.

İnsanlar arasında apardığımız müşahidələr də göstərir ki, əksər vətəndaşlarımız öz gündəlik həyatlarını yol polisi olmadan təsəvvür etmirlər. Baxın, yolların müəyyən yerində tıxac yaranan kimi, kimlərsə avtomobillə ədəbsiz hərəkətlər edən kimi, yollarda xətlər pozulduqda, nişanlar olmadıqda, hətta bəzən yolda çalalar göründükdə ilk yada düşən Dövlət Yol Polisi olur. Çünki 80 il ərzində formalaşmış yanaşmaya əsasən, cəmiyyətimiz yol polisini yollardakı təhlükəsizliyin, bir yerdən digər yerə salamat gedib-gəlmənin qarantı kimi görür. Ona görə də, bəzi insanların fərqli yanaşmasına baxmayaraq, cəmiyyətimiz üçün Dövlət Yol Polisinin səmərəli fəaliyyəti çox vacibdir.

Dilşad Əhmədova
Baş redaktor