Azərbaycan şahmatçıları dövlət qayğısı ilə əhatə olunub

İdman nailiyyətləri arasında şahmatçıların uğurlarını xüsusi qeyd etmək istərdim. Çünki bu, onu göstərir ki, bizim gənclərimiz nəinki fiziki cəhətdən güclüdür, eyni zamanda, onların intellektual potensialı da çox yüksəkdir.

İlham Əliyev,
Azərbaycan Respublikasının Prezidenti

Azərbaycanda şahmatın da qədim ənənəsi var desək, heç yanılmarıq. Hələ qədim və orta əsrlər dövründən geniş yayılan bu “zəka oyunu” zəngin tarixi ənənələri ilə xalqımızın mədəniyyətində özünəməxsus yer tutur. Azərbaycan gəncləri idmanın demək olar ki, bütün sahələrində dünya və beynəlxalq yarışlarda ən yüksək nailiyyətlər qazanaraq, ölkəmizi, dövlətimizi layiqincə təmsil edərək, bütün dünyaya tanıtdırırlar. İdmanın digər sahələri ilə yanaşı şahmat oyunları sahəsində də gənclərimiz ən uüksək nəticələr əldə etmişlər. Azərbaycan şahmatçılarının qazandığı bu uğurlarda Azərbaycan Şahmat Federasiyasının Prezidenti, Beynəlxalq Şahmat Federasiyasının Vitse-Prezidenti, Beynəlxalq təşkilatçı Mahir Məmmədovun əməyi danılmazdır. Mahir müəllim hər zaman şahmatçı gənclərimizə xüsusi qayğı ilə yanaşmış, istedadlı şahmatçılarımızı üzə çıxararaq onlara şahmat yarışlarında uğur qazanmalarına şərait yaratmışdır.
Mahir müəllimin yüksək peşəkarlığı, əzmkarlığı, tələbkarlığı və təcrübə sayəsində Azərbaycanda xeyli sayda istedadlı, bacarıqlı, titullu şahmatçı gənclər yetişmişdir. Məhz Mahir müəllimin rəhbərliyi sayəsində şahmatçı gənclərimiz, şahmat ustalarımız uğurlara imza atmaqda davam edirlər. Bu gün tam əminliklə deyə bilərik ki, şahmatçılarımız beynəlxalq aləmdə qazanılan uğurlara görə, dünya ölkələri arasında lider yerlərdə dururlar. Bu da onu göstərir ki, Mahir Məmmədov ölkə Prezidentinin apardığı uğurlu siyasətini həmişə dəstəkləyir.
Mahir müəllim kimi peşəkar, təcrübəli rəhbərlərin sayəsində ildən-ilə istedadlı, bacarıqlı şahmatçılarımızın sayı artmaqda davam edir. Şahmat sahəsində qazanılan bütün bu uğurların əldə olunan yüksək nailiyyətlərin təşəbbüskarlarından biri və birincisi olan Mahir Məmmədov gələcək fəaliyyətlərində də sonsuz müvəffəqiyyətlər arzulayırıq.
Qeyd edək ki, uzun illər Azərbaycan şahmatının inkişafı naminə çalışan Mahir Məmmədov ölkəmizdə keçirilən bir sıra nüfuzlu turnirlərin təşkilatçısı olub.

Dilşad Əhmədova
Baş redaktor