Avqustun 4-də Nərimanovda Qətl Hadisəsi Baş Verib

Avqustun 4-də saat 01:00 radələrində paytaxtın Nərimanov rayonu ərazisində evlərin birində 1973-cü təvəllüdlü Ülvi Qeys oğlu Qasımov kəsici alətlə qətlə yetirilib.

Bu barədə Daxili İşlər Nazirliyi (DİN) məlumat yayıb.

Bildirilib ki, cinayət əməlini törətməkdə şübhəli bilinən 1989-cu il təvəllüdlü Hikmət Oktay oğlu Muxtarov polis əməkdaşları tərəfindən saxlanılıb. İlkin məlumata görə hadisə şəxsi münasibətlər zəminində baş verib.

Faktla bağlı araşdırma aparılır.