Xırdalanda İşıq Dirəklərinin Təhlükəsizliyi ilə Bağlı Problemlər Aydınlaşıb

Xırdalan şəhərində yeni salınmış park ərazisində quraşdırılmış işıq dirəklərindən yalnız ikisinin vətəndaşın elektrik sayğacına qoşulması məsələsi aydınlaşdırılıb. Oxu.Az-ın sorğusuna cavab olaraq Abşeron rayonu Xırdalan şəhər İnzibati Ərazi Dairəsi üzrə Nümayəndəliyi bu məlumatı təqdim edib.

Açıqlamada qeyd edilib ki, 2021-ci ildə Xırdalan şəhərinin 27-ci məhəlləsində baş vermiş partlayış nəticəsində ərazidəki yaşayış binalarına və fərdi evlərə ciddi ziyan dəymişdi. Partlayışdan sonra binalar təmir olunmuş, fərdi evlər isə digər ərazilərə köçürülərək yerində abadlıq işləri aparılmışdır. Bu məqsədlə 2024-cü ildə tender elan edilmiş və qalib şirkət tərəfindən park salınaraq istifadəyə verilmişdir.

Şirkət tərəfindən park ərazisinə 11 işıq dirəyi quraşdırılıb, lakin texniki anlaşılmazlıq səbəbindən yalnız ikisi vətəndaşın elektrik sayğacına qoşulmuşdur. İncident barədə Xırdalan şəhər İnzibati Ərazi Dairəsi üzrə Nümayəndəliyi tərəfindən şirkətə məlumat verilmiş, şirkət isə üzrxahlıq edərək ziyanın tam şəkildə ödəniləcəyini bildirmişdir. Bundan əlavə, Abşeron Enerji Təchizatı və Satışı İdarəsi tərəfindən elektrik xətti sayğacdan ayrılıb.