Bakı şəhərinin Yasamal rayonunda Avtonəqliyyat Hərəkəti Məhdudlaşdırılacaq

Sabah səhər saat 06:00-dan etibarən Bakı şəhəri, Yasamal rayonu, Mikayıl Müşfiq küçəsində (Mətbuat prospekti ilə kəsişmədəki dairədən Bakı Şəhər Dövlət Yol Polisi İdarəsinin qarşısındakı dairəyədək) təmir işləri ilə əlaqədar olaraq avtonəqliyyat vasitələrinin hərəkəti tamamilə məhdudlaşdırılacaq.

Bakı Şəhər Baş Polis İdarəsinin Dövlət Yol Polisi İdarəsinin yaydığı məlumata görə, bu məhdudiyyət müddətində kənar dairəvi yol ilə hərəkət edən avtonəqliyyat vasitələri şəhərin mərkəzinə yalnız Yeni Yasamal ərazisindən keçərək hərəkət edə biləcəklər.