YOLUMUZ BÖYÜK TURANADIR

Türkiyənin Kadirli şəhərində 12-15 may 2029-ci il tarixndə 1-ci Beynəlxalq Türk Dünyası Sənət Festivalı keçirildi. ASKEF Başkanı Savaş Unalın təşkilatçılığı və rəhbərliyi ilə keçirilən Festivalda 7 Türk ölkəsindən gələn 4000 nəfərdən çox şair, sənətçi, rəssam, elm adamları, müharibə veteranları iştirak edirdilər. Kadirli Kaymakamı Vehbi Bakır, Kadirli Bələdiyyə Başqan Ömər Tarhan, ASKEF-in Azərbaycan təmsilçisi Sona İsmayılova, Qırğızıstandan Darika Adatovna, Özbəkistandan Muazzam İbrohimov, Bolqarıstandan Nesrin Sipahi, , Mircevat Ahlskalı, Burhan Torun, Hakan Semercioğlu, Emine Varmış, Gonça Aydemir, Serpil Sesli, Mehmet Alu Küt küt kimi nüfuzlu Təşkilat Komitəsinin gərgin əməyi nəticəsində Festival çox uğurlu və möhtəşəm səviyyədə keçirildi.
Azərbaycanı təmsil edən 29 nəfərdən ibarət nümayəndə heyyəti ASKEF-in Azərbaycan üzrə təmsilçisi Sona İsmayılovanın rəhbərliyi ilə Festivalda çox fəal iştirak etdilər.
Ziyalı iş adamı Əli Vəliyev Azərbaycan tarixindən, sənətçilər Ayğun xanım və Samir bəy gözəl və ürək açan mahnıları ilə, şairlər Sona xanım, Kirman Rüstəmli, Vüqar müəllim, Şahməmməd müəllim vətənpərvərlik və türkçülük ruhunda yazdlqları şeirləri ilə, elm adamları Həcər xanım, Nailə xanım, Elnarə xanım, İradə xanım, Rəna xanım, Səyyad bəy Böyük Turan yolunda aparılan işlərdən söz açdılar.
Azərbaycan Yazıçılar Birliyinin tanınan ismi yazar-şair, Prezident təqaüdçüsü Güləmail Murad öz çıxışında tarixi faktlara toxundu.
Naxçıvandan pedaqoq, şairə Banu xanım, Dr.professor, şairə Lütviyyə Əsgərova,
şairə Gülqədəm Mirzəzadə, şair Kirman müəllim , İradə Hacızadə, İltifaq müəllim Festival çərçivəsində çox dolğun, təsirli, Böyük Turan yolunda aparılan möhtəşəm işlərdən danışdılar.

Fərid Faiqoğlu