Kriminal
27 oktyabr 2020
309
Ermənistan Talış və Suqovuşanda “Euronews”un çəkiliş qrupunu raket atəşinə tutdu
![Ermənistan Talış və Suqovuşanda “Euronews”un çəkiliş qrupunu raket atəşinə tutdu Ermənistan Talış və Suqovuşanda “Euronews”un çəkiliş qrupunu raket atəşinə tutdu](https://olke.az/photo/770x415/2020/10/27/1603776896_afe2e326-fe19-30b7-b1c8-69b75be9c147_850.jpg)
"Azərbaycanın işğaldan azad edilmiş Talış və Suqovuşan kəndlərində peşəkar jurnalist fəaliyyətini həyata keçirən “Euronews” çəkiliş qrupunun və onların istifadə etdiyi nəqliyyat vasitəsinin Ermənistan silahlı qüvvələri tərəfindən kornet tipli tank əleyhinə raketlə atəşə tutulmasını kəskin şəkildə pisləyirik".
Bunu Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.
"Ermənistanın bu hücumunu azad sözə və peşəkar jurnalistikaya təcavüz kimi qiymətləndiririk.
Xoşbəxtlikdən raket hədəfdən yayınmışdır, çəkiliş qrupu xəsarət almamışdır. Nəqliyyat vasitəsinə qəlpələrlə zərər dəymişdir.
Üzərində “Euronews”un uzaq məsafədən seçilən fərqləndirici nişanı olan nəqliyyat vasitəsinə tank əleyhinə idarəolunan raket vasitəsilə hücum hədəfli və məqsədyönlü xarakter daşımışdır.
“Euronews”un reportajında raketin hərəkətdə olan nəqliyyat vasitəsinin üzərindən yaxın məsafədən keçdiyi aydın şəkildə görünür (//vimeo.com/472347741).
Bundan əvvəl Azərbaycan media nümayəndələri də Ermənistan silahlı qüvvələri tərəfindən atəşə tutulmuş, jurnalistlər arasında yaralananlar olmuş, çəkiliş qruplarının nəqliyyat vasitələrinə zərər dəymişdir.
Azərbaycan tərəfdən hərbi əməliyyatlar barədə reportajlar hazırlayan beynəlxalq media nümayəndələri öz ölkələrinə qayıtdıqda belə erməni lobbi dairələrinin verbal və fiziki hücumları, şantajları və təhdidləri ilə üzləşirlər. Bəzi hallarda erməni lobbisinin təzyiqləri altında peşəkar fəaliyyətini həyata keçirən jurnalistlər işlərini itirməli olurlar. Fransanın TF1 televiziya kanalına və onun Azərbaycandan reportaj hazırlamış çəkiliş qrupuna Fransa erməni lobbisi tərəfindən olan hücumlar bunun bariz nümunəsidir.
Hazırda Azərbaycanda 70-dən artıq beynəlxalq media nümayəndəsi fəaliyyət göstərir. Cəbhədəki əməliyyat şəraitinə uyğun olaraq onların cəbhədən reportajlar hazırlamasına və öz peşəkar fəaliyyətini həyata keçirməsinə imkan yaradılır", - H.Hacıyev əlavə edib.
![](/templates/everyday-106-blue/images/728rkl.jpg)
Daha çox xəbər:
![Hikmət Hacıyev: “Ermənistan tərəfindən atılan “Smerç” yaşayış evinin həyəti ...](https://olke.az/photo/770x415/2020/10/24/1603515971_85b3d661-1f48-3d7f-947e-1f6af1cf4422_850.jpg)
Hikmət Hacıyev: “Ermənistan tərəfindən atılan “Smerç” yaşayış evinin həyəti ...
Ölkə![Hikmət Hacıyev:](https://olke.az/photo/770x415/2020/10/14/1602661579_vaqif.jpg)
Hikmət Hacıyev: ""Ermənistan çalışır ki, üçüncü tərəfləri münaqişəyə cəlb ...
Siyasət![Diplomatlar, hərbi attaşelər, beynəlxalq təşkilatların nümayəndələri Gəncəd ...](https://olke.az/photo/770x415/2020/10/12/1602490656_unnamed-2.jpg)
Diplomatlar, hərbi attaşelər, beynəlxalq təşkilatların nümayəndələri Gəncəd ...
Siyasət![Hikmət Hacıyev Gəncədə Ermənistanın terroru ilə bağlı “Euronews”a danışdı](https://olke.az/photo/770x415/2020/10/12/1602485928_hikmethaciyev.png)
Hikmət Hacıyev Gəncədə Ermənistanın terroru ilə bağlı “Euronews”a danışdı
Siyasət![Prezidentin köməkçisindən Ermənistana daha bir XƏBƏRDARLIQ](https://olke.az/photo/770x415/2020/10/02/1601635853_tey.jpg)
Prezidentin köməkçisindən Ermənistana daha bir XƏBƏRDARLIQ
Siyasət