Ölkə
18 iyun 2020
1060
Hacı Zeynalabdin Tağıyevin ev-muzeyi açıldı — FOTO

Azərbaycan Milli Elmlər Akademiyasının (AMEA) Milli Azərbaycan Tarixi Muzeyinin 100 illik yubileyinin qeyd edilməsi ilə bağlı həyata keçirilən tədbirlər çərçivəsində bu qurumun nəzdində fəaliyyət göstərən Hacı Zeynalabdin Tağıyevin ev-muzeyinin bərpa və yenidənqurma işlərindən sonra açılışı olub.
Bu barədə "Ölkə.Az"a AMEA-dan məlumat verilib.
Tanınmış sahibkar və xeyriyyəçi Hacı Zeynalabdin Tağıyevin vaxtilə yaşadığı sarayda yerləşən Milli Azərbaycan Tarixi Muzeyi onun zəngin irsinin öyrənilməsi və populyarlaşdırılması istiqamətində xeyli işlər görür, kitablar nəşr etdirir, müxtəlif tədbirlər keçirir.
Xatirə muzeyin yeni ekspozisiyasında iriölçülü ekranda H.Z.Tağıyevin sahibkarlıq və ictimai fəaliyyəti, Azərbaycanda və onun hüdudlarından kənarda gördüyü xeyriyyə işləri, ailəsi haqqında Azərbaycan, ingilis və rus dillərində məlumatlar yerləşdirilib.
Bundan başqa, yeni ekspozisiyada muzeyin fondlarında qorunan rəsm əsərləri, sənədlər, fotoşəkillər, H.Z.Tağıyevin ordenləri, onun vəsaiti hesabına nəşr olunan kitablar da nümayiş etdirilir.



Daha çox xəbər:

Mingəçevirdə Dövlət Rəmzləri Muzeyi açılıb
Cəmiyyət
Koronavirusa görə iş saatları dəyişdi — Ramiz Mehdiyevdən SƏRƏNCAM
Cəmiyyət
Deputatlar bu gün yeddi məsələni müzakirə edəcək
Siyasət
Parlament Jurnalistləri Birliyi Milli Mətbuatın yubiley tədbirlərinə başlay ...
Ölkə
Prezident icra başçısına irad BİLDİRDİ — "Bunu pozun"
Gündəm, Siyasət