Ölkə
06 iyul 2020
979
Xüsusi karantin rejiminin pozulduğu hoteldən AÇIQLAMA — VİDEO
![Xüsusi karantin rejiminin pozulduğu hoteldən AÇIQLAMA — VİDEO Xüsusi karantin rejiminin pozulduğu hoteldən AÇIQLAMA — VİDEO](http://olke.az/uploads/1594020775/1.jpg)
“Hyatt Regency Baku” hoteli sosial şəbəkələrdə karantin qaydalarının pozulmasını əks etdirən videoya münasibət bildirib.
"Ölkə.Az" xəbər verir ki, hotelin gigiyena və sağlamlıq üzrə meneceri Ramin Əzizov Oxu.Az-a açıqlamasında bildirib ki, sosial şəbəkələrdə yayılan video sərt karantin rejimindən əvvəl çəkilib:
“Hotelimizdə ölkədə elan edilən karantin qaydalarına riayət edilir. Yayılan görüntülər Nazirlər Kabineti yanında operativ qərargah tərəfindən ölkədə elan edilən karantin rejiminin yumşaldılması zamanı çəkilib. Operativ qərargahdan soruşmuşduq ki, hotelin qonaqları daxili hovuzun kənarında otura bilərlər?
Onlar bildirdilər ki, hovuz hotelin daxilindədisə, sosial məsafə qorunmaq şərti ilə olar. Şəkillər və video o zaman çəkilib. Sərt karantin olan kimi hoteldə olan qonaqlara məlumat verildi ki, hovuz ətrafına düşməyə icazə verilmir. İstədiyiniz zaman gəlib baxa bilərsiniz”.
R.Əzizov bildirib ki, hotelə daxil olan qonaqların, işçilərin hərarəti yoxlanılır:
“Hotelin restoranında masalar arasındakı ara məsafə iki metr müəyyən edilib. Əgər qonaqlar ailə deyilsə, hər stolda iki nəfərdən artıq oturulmasına icazə verilmir”.
“Ötən gün Daxili İşlər Nazirliyi tərəfindən “Hyatt Regency Baku” hotelinə baxış keçirilib. Gördülər ki, hovuz kənarında kimsə yoxdur, qaydalara əməl edilir”, - deyə hotel rəsmisi qeyd edib.
Xatırladaq ki, dünən xüsusi karantin rejiminin “Fairmont Baku” hotelində də pozulması ilə bağlı görüntülər yayılmışdı. Video yayıldıqdan sonra polisin keçirdiyi əməliyyat zamanı həmin şəxslər saxlanılmışdı.
Eyni zamanda, “Hyatt Regency Baku” hotelində karantin qaydalarının pozulmasını əks etdirən görüntülər yayılıb.
Qeyd edək ki, iyulun 2-də operativ qərargah COVID-19 virusunun yayılma sürətinin azaldılması, eləcə də onun törədə biləcəyi fəsadların minimuma endirilməsi məqsədilə Goranboy, Göygöl və Mingəçevir şəhərləri, Bərdə, Xaçmaz, Samux, Siyəzən və Şəki rayonları daxil olmaqla, Bakı, Cəlilabad, Gəncə, Lənkəran, Masallı, Sumqayıt, Yevlax şəhərlərində və Abşeron rayonunda xüsusi karantin rejimi 2020-ci il 5 iyul saat 06:00-dan 20 iyul saat 06:00-dək uzadılıb. Əvvəllər 10 nəfərin bir yerə toplaşması qadağan idisə, son qərarda bu say beşə endirilib.
![](/templates/everyday-106-blue/images/728rkl.jpg)
Daha çox xəbər:
![Bakıda daha bir məşhur hoteldə karantin qaydaları pozuldu — VİDEO](http://olke.az/uploads/1594018332/1.jpg)
Bakıda daha bir məşhur hoteldə karantin qaydaları pozuldu — VİDEO
Cəmiyyət![Azərbaycanda bu məhdudiyyət aradan qaldırıldı](http://olke.az/uploads/1594013925/1586327588_92496556_243501023680103_264304513505034240_o.jpg)
Azərbaycanda bu məhdudiyyət aradan qaldırıldı
Cəmiyyət![Bu gecədən etibarən metro və avtobusların hərəkəti dayandırılır — RƏSMİ](http://olke.az/uploads/1593755279/bus.jpg)
Bu gecədən etibarən metro və avtobusların hərəkəti dayandırılır — RƏSMİ
Cəmiyyət![Bakıda metronun fəaliyyəti dayandırılır — SON DƏQİQƏ](http://olke.az/uploads/1593706843/fgbhdfgvsdf.jpg)
Bakıda metronun fəaliyyəti dayandırılır — SON DƏQİQƏ
Gündəm, Ölkə![Sərt karantində bu rayonlarda işləməyəcək sahələr — SİYAHI](http://olke.az/uploads/1593707980/fgvbn%20dcfbdfbv.jpg)
Sərt karantində bu rayonlarda işləməyəcək sahələr — SİYAHI
Cəmiyyət