Azərbaycanda 87 Nəfərin Deputatlığa Namizədliyi Qeydə Alınıb

Azərbaycanda növbədənkənar parlament seçkiləri öncəsi 87 nəfərin deputatlığa namizədliyi qeydə alınıb. Bu barədə Mərkəzi Seçki Komissiyasının (MSK) sədri Məzahir Pənahov qurumun iyulun 27-də keçirilən iclasında məlumat verib. Pənahovun sözlərinə görə, sentyabrın 1-də keçiriləcək seçkilərdə iştirak etmək üçün ümumilikdə 1255 nəfər namizədliyini irəli sürmək məqsədilə müraciət edib.