2024-cü ilin iyul ayında Kliniki Tibbi Mərkəzin (KTM) Toksikologiya Şöbəsinə 74 nəfər zəhərlənmə səbəbi ilə qəbul edilib.

Məlumata görə, xəstələrin 32-si dərmandan, 22-si sirkə turşusundan, iki nəfəri kimyəvi maddələrdən, iki nəfəri fosfor üzvi birləşmələrindən, bir nəfəri isə qidadan zəhərlənib.

Bundan əlavə, yeddi nəfər allergik reaksiya, altı nəfər ilan sancması, iki nəfər isə anafilaksiya səbəbi ilə şöbəyə yerləşdirilib.

Həkimlərin səylərinə baxmayaraq, beş nəfər (dörd kişi, bir qadın) zəhərlənmənin nəticəsi olaraq həyatını itirib. Ölüm hallarının sirkə turşusundan zəhərlənmədən qaynaqlandığı bildirilib.