Koronavirus Şimalı Koreyanın da sərhədlərini AŞDI — Kim Çen In təcili iclas keçirdi

Şimali Koreya ilk dəfə olaraq ölkədə koronavirusa yoluxma faktını təsdiqləyib.
Koronavirusun ehtimal olunduğu daşıyıcısı 3 il əvvəl qaçdığı Cənubi Koreyadan KXDR-ə qayıdıb. Bu barədə Koreyanın Mərkəzi Teleqraf Agentliyi (CTAC) məlumat verib.

Bu şəxsin ölkəyə daxil olarkən COVİD -19 testindən keçdiyi barədə heç bir məlumat yoxdur. Yoluxucu virus daşıyıcısı karantinə alınıb. Hökümət onun ünsiyyətdə olduğu insanların siyahısını hazırlayır.

KXDR lideri Kim Çen In bu məsələ ilə bağlı Koreya İşçi Partiyası Mərkəzi Komitəsinin Siyasi Bürosunun təcili iclası keçirib.

Qeyd edək ki, bu, Şimali Koreyanın COVID-19 pandemiyası boyunca ilk yoluxma faktıdır.