Dünya
05 avqust 2020
367
Beyrutdakı partlayışda ölənlərin sayı 100-ü keçdi - Yenilənib

Ötən gün Beyrut limanında baş vermiş partlayış nəticəsində 78 nəfər həlak olub, 4 mindən çox insan xəsarət alıb.
“Qafqazinfo” “Əl-Cəzirə” telekanalına istinadən xəbər verir ki, Livan hökuməti çox sayda insan itkin düşdüyü üçün ölənlərin sayının artacağını istisna etmir.
Partlayışa görə yaranmış dağıntıların altından insan cəsədləri çıxarılmağa davam edir. Xəstəxanaların yaralılarla dolduğu bildirilib.
Xatırladaq ki, avqustun 4-də Livan paytaxtında güclü partlayış baş verib. Partlayış nəticəsində şəhərin binalarının yarısı zərər görüb. Baş Nazir Həsən Diyab partlayışın Beyrut limanında 2750 ton ammonium nitratının 6 il ərzində düzgün saxlanılmaması nəticəsində baş verdiyini açıqlayıb.
Ölkədə üç günlük matəm elan edilib, həmçinin iki həftəlik fövqəladə vəziyyət elan ediləcəyi gözlənilir.
***
Beynəlxalq Qırmızı Xaç Cəmiyyətinin Livan bölməsinin verdiyi məlumata görə, partlayış nəticəsində ən az 100 nəfər həlak olub, 4000-dən çox insan yaralanıb.
Qurumun rəsmisi Corc Kettani bildirib ki, ölənlərin sayının artacağı gözlənilir.

Daha çox xəbər:

Beyrutda ölənlərin sayı artır
Dünya
Beyrutdakı partlayışda ölənlərin sayı artır
Dünya
Azərbaycanlı dənizçilər Livan hökuməti tərəfindən təxliyyə edildi — RƏSMİ
Cəmiyyət
Azərbaycan XİN Livana başsağlığı verdi
Siyasət
Beyrutda ard-arda güclü partlayışlar, ölənlər və yaralılar var - Video + Ye ...
Dünya