Gündəm, Bölgə
04 avqust 2020
1130
Mehdi Səlimzadə: Göyçaylılar işıqlı sabaha aparan yolu aydın görürlər
Göyçay Rayon İcra Hakimiyyətinin başçısı Mehdi Səlimzadə - Hər zaman olduğu kimi yenə də Azərbaycan-Türkiyə qardaş ölkə olmaqla özünün həmrəyliyini bütün dünyaya çatdırdı
Prezident, Ali Baş Komandan İlham Əliyevin ətrafında sıx birləşən xalqımız, ordumuz bu təlatümlü günlərdə onun yanında oldu, dəstəklədi. Ali Baş Komandan vətən uğrunda canlarını verən qəhrəmanlarımızı unutmur, onların, ailələrinin qayğısına qalır və onların qəhrəmanlığını yüksək qiymətləndirir.
İyulun 15-də Prezident İlham Əliyev döyüş zamanı müdafiənin ön xəttində olarkən qəhrəmancasına şəhid olmuş general-mayor Polad Həşimovun anası Səmayə xanım və polkovnik İlqar Mirzəyevin oğlu Elvin ilə telefonla danışıb. Dövlətimizin başçısı şəhidlərin ailə üzvlərinə dərin hüznlə başsağlığı verib, onlara Allahdan rəhmət və səbir diləyib. Ali Baş Komandan qeyd edib ki, vətən uğrunda şəhid olan hərbi qulluqçularımızın qəhrəmanlığı heç vaxt unudulmayacaq, onların qisası alınıb və alınacaq, qanları yerdə qalmayacaq. Prezident İlham Əliyev general Polad Həşimovun və polkovnik İlqar Mirzəyevin ailəsinə ev verib. Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyevanın tapşırığına əsasən Fondun nümayəndələri Sumqayıt şəhərində general-mayor Polad Həşimovun və Bakı şəhərində polkovnik İlqar Mirzəyevin ailələrini ziyarət ediblər. Fondun nümayəndələri Ağstafa, Tovuz, Qazax, İsmayıllı, Biləsuvar və Masallı rayonlarında olaraq şəhid ailələrinə baş çəkəcəklər. Tovuz rayonu istiqamətlərdə şəhid olan hərbçilərin ailə üzvlərinin bütün qayğılarının Mehriban Əliyevanın tapşırığına əsasən daim Fondun nəzarətində olacağı bildirilib.
Tovuz rayonunda atəşkəsin Ermənistan tərəfindən pozulması zamanı Silahlı Qüvvələrimizin bir daha öz üstünlüyünü təsdiq etdi. Bu əməliyyatın Silahlı Qüvvələrimizin şanlı tarixində öz yeri olacaq. Artıq dövlətlər 25-30 il bundan əvvəl olduğu kimi Ermənistanın və erməni diaspor təşkilatlarının yaydıqları informasiyalara etibar etmirlər. Eyni zamanda Azərbaycan diasporu da formalaşıb, dünyanın müxtəlif ölkələrində Azərbaycan haqq səsinin eşidilməsi üçün fəaliyyət göstərirlər. 14 iyulda Bakıda Silahlı Qüvvələrə və Ali Baş Komandana çoxminlik dəstək yürüşü həyata keçirilib. Xalq ordusunun və Ali Baş Komandanının yanında olduğunu, onu dəstəklədiyini ən yüksək səviyyədə göstərib.
Azərbaycan-Ermənistan dövlət sərhədinin Tovuz rayonu istiqamətində Ermənistan silahlı qüvvələrinin törətdiyi təxribatla əlaqədar Səfərbərlik və Hərbi Xidmətə Çağırış üzrə Dövlət Xidmətinin aparatına, yerli idarə, şöbə və bölmələrinə könüllü olaraq cəbhə bölgəsinə gedərək döyüşmək və lazımi kömək göstərmək istəyən vətəndaşlarımız tərəfindən çoxsaylı müraciətlər daxil olur. Silahlı Qüvvələrin Ali Baş Komandanı İlham Əliyevin çağırışına səs verən 55130-dan (əlli beş min yüz otuzdan) çox vətəndaş Səfərbərlik və Hərbi Xidmətə Çağırış üzrə Dövlət Xidmətində qeydiyyatdan keçiblər və müraciətlər davam edir. Azərbaycanda Qadın Sahibkarlığı Assosiasiyasının (AQSİA) üzvləri Prezidentin çağırışına dəstək verib. Assosiasiya sıralarında birləşən yüzlərlə sahibkar xanım orduda xidmət göstərməyə hazır olduqların bildiriblər. Ölkənin 43 siyasi partiyası birgə, 4 siyasi partiyası isə ayrılıqda bəyanat verərək, erməni təxribatına qarşı mübarizədə Ali Baş Komandanın ətrafında birləşdiyini vurğulayıb.
Qardaş Türkiyə cümhuriyyəti Azərbaycanı tək buraxmadı və təbii ki, Azərbaycana dəstək nümayiş etdirən ilk ölkə qardaş Türkiyə oldu. Ən yüksək səviyyədə Azərbaycanı dəstəklədiyini bildirdi. Türkiyənin Prezidenti Rəcəb Tayyib Ərdoğanın çıxışı Azərbaycana qardaş dəstəyi olmaqla yanaşı, həm də düşmənlərə mesaj oldu. O çıxışı zamanı dost və qardaş Azərbaycana qarşı Ermənistan tərəfdən törədilən hücumu şiddətlə qınadığını dilə gətirib: “Bu gərginliyin Ermənistanın düşünülməmiş hücumundan sonra silahlı toqquşmaya çevrilməsindən narahatıq. Son hücum iki ölkə sərhədində ağır silahlarla həyata keçirilib. Bu hadisə Dağlıq Qarabağda deyil, iki dövlət arasındakı sərhəddə və ağır silahlarla törədilib. Bu hadisə hər hansı sərhəd pozuntusu deyil, birbaşa Azərbaycana qarşı məqsədli hücum olduğunu göstərməkdədir”.
Türkiyənin Xarici İşlər Naziri Mövlud Çavuşoğlu bildirib ki, Ermənistan yeni toqquşma meydanı yaratmaqla, diqqəti işğal etdiyi ərazilərdən başqa istiqamətə yönəltmək istəyir. Ermənistanın bu günə kimi münaqişənin siyasi həll yoluna yaxın durmadığını deyən nazir bildirib ki, Ermənistanın etdiyi qəbuledilməzdir: “Ermənistan ağlını başına yığsın, Azərbaycan tək deyil. Biz Türkiyə Cümhuriyyəti və türk milləti olaraq bütün imkanlarımızla Azərbaycanın yanındayıq. Azərbaycanın ərazi bütövlüyünün qorunmasına əlimizdən gələn dəstəyi verəcəyik. Biz demişik ki, Azərbaycan Dağlıq Qarabağ münaqişəsi ilə bağlı hansı həll yolunu seçəcəksə, biz Azərbaycanın yanında olacağıq. Bu həssas bir cümlədir. Bunu bilərəkdən dedim”.
Türkiyənin Müdafiə naziri Hulusi Akar Azərbaycan-Ermənistan təmas xəttində davam edən gərginlikdən danışarkən, “İşğalçılığı davam etdirən Ermənistana qarşı Azərbaycan Silahlı Qüvvələrinin yanında olmağa, azərbaycanlı qardaşlarımıza dəstək verməyə davam edəcəyik” ifadələrini işlədib.
Xaricdə yaşayan soydaşlarımız da Prezident ilham Əliyevin yanındadır və onu dəstəkləyir. Türkiyə-Azərbaycan Dostluq, Əməkdaşlıq və Həmrəylik Fondu və Dünya Türk Birliyi təşkilatı, Latviyada yaşayan soydaşlarımız, Birləşmiş Ukrayna Azərbaycanlıları Konqresi, Ukraynadakı Türkiyənin icma nümayəndələri, Belorusda yaşayan Azərbaycanlılar da öz vətənlərinə dəstəklərini göstərib, erməni işğalını lənətləyiblər. Macarıstanda fəaliyyət göstərən “Qardaşlıq,” Macarıstan-Azərbaycan Cəmiyyəti, Azərbaycan-Macarıstan Gənclər Birliyi və Azərbaycan Evinin birgə təşəbbüskarlığı ilə keçirilən mitinqdə “Erməni təcavüzünü dayandırın!”, “Qarabağ – Azərbaycandır!”, “Ermənistan beynəlxalq hüquqa etinasızlıq göstərir!”, “Ali Baş Komandan, biz sizin əsgərlərinizik!” kimi şüarlar səsləndirilib.
Rayon İcra Hakimiyyətinin başçısı Çayarxı kənd uşaq bağçasının tikinti işləri ilə maraqlanıb
Respublikamızın bütün bölgələrində olduğu kimi Göyçay rayonunda da ümumtəhsil məktəblərinin, məktəbəqədər təhsil müəssisələrinin, səhiyyə və mədəniyyət obyektlərinin yenidən qurulması istiqamətində bir sıra işlər yerinə yetirilir, yeni uşaq bağçaları tikilir, mövcud uşaq tərbiyə müəssisələri əsaslı təmir olunaraq müasir avadanlıqlarla təchiz edilir.
29 iyul 2020-ci il tarixdə rayonunun Çayarxı kəndində 20 yerlik yeni uşaq bağçasının tikinti işlərinin gedişi ilə tanış olan rayon İcra Hakimiyyətinin başçısı müvafiq tövsiyyə və tapşırıqlarını vermişdir.
Hazırda Heydər Əliyev Fondunun dəstəyi ilə inşa edilən şəhər 3, 4 və 8 saylı, Çayarxı kənd uşaq bağçalarında son tamamlama işləri aparılır.
2020-ci ilin birinci yarısının sosial-iqtisadi inkişafın yekunlarına həsr olunmuş iclasında ölkə Prezidentinin nitqindən irəli gələn vəzifələrə dair videokonfrans vasitəsilə şura iclası keçirilmişdir
Rayonun idarə, müəssisə, təşkilatlarının, yerli icra və bələdiyyə orqanlarının nümayəndələrinin iştirakı ilə Azərbaycan Respublikası Prezidenti İlham Əliyevin sədrliyi ilə Nazirlər Kabinetinin 2020-ci ilin birinci yarısının sosial-iqtisadi inkişafın yekunlarına həsr olunan iclasındakı nitqindən irəli gələn vəzifələrə həsr olunmuş rayon icra hakimiyyəti başçısı yanında videokonfrans şəklində şura iclası keçirilmişdir.
Videokonfransı giriş sözü ilə açan rayon icra hakimiyyətinin başçısı bildirdi ki, İyulun 15-də Azərbaycan Respublikasının Prezidenti İlham Əliyevin sədrliyi ilə Nazirlər Kabinetinin 2020-ci ilin birinci yarısının sosial-itqisadi inkişafın yekunlarına və qarşıda duran vəzifələrə həsr olunan iclası keçirilib. Dövlət başçısı iclasda nitq söyləyərək qeyd edib ki, sosial-iqtisadi yekunların müzakirə edilməsi öz bəhrəsini verir, çünki bu toplantılarda həm görülmuş işlər, həm buraxılmış nöqsanlar təhlil olunur, eyni zamanda gələcək fəaliyyətimiz üçün praktiki adddımların atılması müəyyən edilir.
Ölkə Prezidenti iclasda əvvəlcə son günlər ərzində Ermənistan Azərbaycan dövlət sərhədinin Tovuz istiqamətində baş vermiş hadisələr haqqında ictimaiyyətə məlumat verərək bildirdi ki, iyulun 12-də erməni silahlı qüvvələri Azərbaycan mövqelərinə artileriya atəşi ilə zərbə endirmişlər və bu gözlənilməz zərbə nəticəsində bizim hərbiçilərimiz həlak olmuş, yaralanmışlar. Azərbaycan Silahlı qüvvələri tərəfindən hərbiçilərimizin intiqamı alınmış, onların qanı yerdə qalmamış və düşmənə ağır zərbələr endirilmişdir. Ordumuzun uğurlu əməliyyatı və əldə edilmiş nəticələr Azərbaycan ictimaiyyətində böyük ruh yüksəkliyi yaratmış və bu bir daha onu göstərdi ki, Azərbaycan xalqı ağır günlərdə bir nöqtəyə vura bilər və bu xalq-iqtidar birliyinin bariz nümunəsi idi. Ordumuzun düşmən hücmunun qəhrəmancasına dəf etdiyi gecə döyüşçülərimizə dəstək məqsədi ilə çoxsaylı insan Şəhidlər Xiyabanına gəlmiş, ancaq əfsuslar olsun ki, bəzi təxribatçı qruplar bu gözəl və nəcib addıma kölgə salmağa qanunsuz əməllər törətməyə çalışmışlar. Təbii ki, daxili işlər orqanları tərəfindən onların bu əməllərinə qısa müddətdə son qoyuldu.
Ölkə Prezidenti növbəti aylarda hökümətin qarşısında duran vəzifələrlə bağlı konkret tapşırıqlar verilmiş, verilən bütün tapşırıqların yerinə yetiriləcəyinə və cari ilin uğurla başa vurulacağına əminliyini bildirmişdir.
Həmçinin qeyd olunmuşdur ki, 2020-ci ilin birinci yarısında Göyçay rayonunda rayonun sosial-iqtisadi inkişafına dair tapşırıqların yerinə yetirilməsi istiqamətində müəyyən tədbirlər həyata keçirilmiş, kənd təsərrüfatı sahəsində müəyyən uğurlar əldə edilmişdir.
Ötən müddət ərzində 2,3 min ton kartof, 34,6 min ton tərəvəz, 5,4 min ton meyvə tədarük edilmişdir və məhsul istehsalı davam edir. Kənd təsərrüfatında ümumi məhsul istehsalı 2019-cu ilin birinci yarısı səviyyəsində olmuşdur.
Rayon əhalisinin içməli su, elektrik enerjisi və təbii qazla təchizatının yaxşılaşdırılması istiqamətində bir sıra tədbirlər həyata keçirilmişdir. Rayonun Potu kəndinin ərzisində su mənbəyində qazılmış 7-ci subartezian quyusu işə salınmış, şəhəri içməli su ilə təmin edən mərkəzləşdirilmiş su anbarında, nasos stansiyasında yaranmış texniki qüsurlar aradan qaldırılmışdır. Rayonun elektrik təsərrüfatının dayanıqlığının artırılması məqsədilə 110 kV-luq Göyçay yarımstansiyasından 20 mVA-lıq transformator 40 mVA-lıq güc transformatoru ilə əvəz edilərək yarımstansiyanın ümumi gücü 65 mVA-ya çatdırılmışdır ki, bu da maksimum pik saatlarında əhalinin normal gərginlikli elektrik enerjisi ilə tam təminatına imkan verəcəkdir.
Hesabat dövründə rayon ərazisində tikinti, abadlıq və quruculuq sahəsində müəyyən tədbirlər həyata keçirilmişdir. Hazırda Ölkə Prezidentinin Sərəncamına əsasən ayrılmış vəsait hesabına Göyçay çayında seldən mühafizə tədbirləri davam etdirilir.
Ümumtəhsil məktəblərinin, məktəbəqədər təhsil müəssisələrinin, səhiyyə və mədəniyyət obyektlərinin yenidən qurulması istiqamətində bir sıra işlər yerinə yetirilmişdir. Ləkçılpaq kənd 1 saylı tam orta məktəbin binasında əsaslı təmir işləri davam etdirilir. Heydər Əliyev Fondunun dəstəyi ilə inşa edilən şəhər 3, 4 və 8 saylı, Çayarxı kənd uşaq bağçalarında, Potu kəndindəki həkim məntəqəsində son tamamlama işləri aparılır. Rayon Mənədiyyət mərkəzinin əsaslı təmir edilmiş binasının və Dövlət Yanğından Mühafizə Xidməti üçün inşa edilən inzibati binanın yaxın günlərdə istifadəyə verilməsi nəzərdə saxlanılır.
Hesabat dövründə sosial müdafiyəyə ehtiyac olan insanların müəyyən edilməsi, əhalinin məşğulluq səviyyəsinin artırılması və ilk növbədə imkansız vətəndaşların işlə təmin olunması istiqamətində müəyən tədbirlər həyata keçirilmişdir. Yanvar-iyun aylarında 1517 yeni iş yeri açılmışdır, o cümlədən “DOST İş Mərkəzi” tərəfindən təqdim olunan 600 yaxın iş yerinə sosial müdafiyəyə daha çox ehtiyacı olan vətəndaşların işə qəbul edilməsi təmin edilmişdir.
Əhalinin özünəməşğulluq sahəsinin gücləndirilməsinədə diqqət artırılmış, Məşğulluq Mərkəzində qeydiyyatda olan 56 nəfər növbəlilik qaydasında “Öz biznesinə başla” təlimlərinə cəlb edilmişdir.
Bütün dünyanı bürüyən COVİD-19 pandemiyası çox təəssüf ki, ölkəmizdəndə yan keçməmişdir. Ölkə Prezidenti cənab İlham Əliyevin tapşırığı ilə Azərbaycan Respublikası Nazirlər Kabineti yanında yaradılmış Operativ Qərargahın qərar və tövsiyyələrinə uyğun olaraq rayonda da xüsusi qərargah yaradılmış, koronavirus pendemiyası ilə mübarizədə əhalinin sağlamlığının qorunması, infeksiyanın yayılması və onun törədə biləcəyi fəsadlarının qarşısının alınması məqsədilə sanitar dezinfeksiya işləri həyata keçirilir. Tətbiq olunan xüsusi karantin rejimi ilə əlaqədar rayon ərazisində ictimai iaşə, ticarət və xidmət obyektlərində reydlərin aparılması üçün hər birinin tərkibində 4 nəfər olmaqla 31 mobil qrup yaradılmış, bu qruplar tərəfindən pandemiyaya qarşı mübarizə tədbirlərinin tətbiq olunmasına nəzarət məqsədilə 1500 yaxın obyektdə reyd keçirilmişdir. Mobil qruplar tərəfindən xidmət sahələrində və sakinlər arasında maarifləndirici söhbətlər aparılır, infeksiyanın yayaılmasının qarşısının alınması üçün sosial məsafənin qorunması, tibbi maskalardan istifadə edilməsinin zəruri olduğunu, gigiyenik qaydalara düzgün riayət olunmasını, yas mərasimlərinin təşkilinin yol verilməz olduğunu tövsiyyə edir, karantin qaydalarını pozanlar barəsində müvafiq tədbirlər görülür. Rayon İcra Hakimiyyəti başçısı aparatının qəbul qrafikin uyğun olaraq karantin qaydalarına riayət etməklə vətəndaşların onlayn qaydada qəbulu həyata keçirilir.
Sonda rayon İcra Hakimiyyətinin başçısı qeyd etmişdir ki, Azərbaycan Respublikası Prezidenti cənab İlham Əliyevin sədrliyi ilə Nazirlər Kabinetinin 2020-ci ilin birinci yarısının sosial-iqtisadi inkişafın yekunlarına həsr olunan iclasındakı nitqində qarşıya qoyduğu vəzifələrin həyata keçirilməsi hər birimizdən yüksək intizam, şəxs məsuliyyət və işgüzarlıq tələb edir. Heç şübhə yoxdur ki, hər bir vəzifəli şəxs, dövlət məmuru, bütövlükdə Göyçay rayon ictimaiyyəti möhtərəm cənab Prezidentimizin ərtafında sıx birləşməklə bütün qüvvə və bacarıqlarını qarşıya qoyduğu vəzifələrin həyata keçirilməsinə sərf edəcəkdir.
İclasda videokonfransda iştirak edən xidmət təşkilatları rəhbərlərinin cari ilin 6 ayı ərzində gördüyü işlər haqqında məlumatları dinlənilmiş, sonra bu məsələ ilə bağlı müvafqi qərar qəbul edilmişdir.
Daha çox xəbər:
Mehriban Əliyeva 12 şəhid hərbçi ilə bağlı Heydər Əliyev Fonduna tapşırıq v ...
Gündəm, Siyasət
İlham Əliyev şəhid general və polkovnikimizin ailəsinə mənzil verdi — RƏSMİ
Siyasət
Prezidentin çağırışından sonra minlərlə gənc səfərbərlik üçün qeydiyyata al ...
Siyasət
İlham Əliyev şəhid hərbi qulluqçuların ailə üzvlərinə başsağlığı verib
Gündəm, Siyasət
Lənkəranda aparılan abadlıq və quruculuq işləri onu göstərir ki, Prezident ...
Gündəm, Ölkə