Gündəm, Ölkə
14 sentyabr 2020
372
Əhəd Abıyev: Daşkəsən rayonu respublikamızın iqtisadi həyatında mühüm əhəmiyyət kəsb edən rayondur
Regionların sosial-iqtisadi inkişafı Dövlət proqramları çərçivəsində son illər Daşkəsənin də siması müasirləşərək gözəlləşib, ən əsası isə yol infrastrukturu əhəmiyyətli dərəcə yenilənib, kəndarası yollar təmir edilib.
Xüsusi qeyd etmək lazımdır ki, Daşkəsən rayonu respublikamızın iqtisadi həyatında mühüm əhəmiyyət kəsb edən rayondur. Burada fəaliyyət göstərən qızıl zavodu, alunit və mərmər-qranit müəssisələri isə nəinki bu rayona, bütün ölkəmizə gəlir gətirir. Ən başlıcası isə insanların daimi işlə təminatını, sosial- rifah halının yaxşılaşdırılmasını həyata keçirir.
İcra başçısı Əhəd Abıyev mütəmadi olaraq rayon sakinləri ilə qörüşür, onların problemləri, narahat edən məsələlərlə yerindəcə maraqlanır, əlindən gələn yardımı əsirgəmir.
Göründüyü kimi, başda İcra başçısı Əhəd Abıyev olmaqla Daşkəsən rayonunda Ölkə rəhbəri Cənab İlham Əliyevin sərəncam və tapşırıqları layiqincə yerinə yetirilir. Burada hər bir kəs dövlətimizin inkişafında, iqtisadi qüdrətinin artmasında üzərilərinə düşən vəzifənin və vətəndaşlıq borcunun öhdəsindən əzmlə gəlir. Uğurlar olsun!
P.S Son zamanlar bəzi saytlarda Daşkəsən rayonu, onun çox dəyərli İcra başçısı Əhəd Abıyev haqqında xoşagəlməz, yalan- yalnış yazılara yol verilir. Bütün bunlar şər-böhtan xarakterli olmaqla bərabər, görülən işlərə kölgə salmağa xidmət etməkdən başqa bir şey deyildir. Hər şey göz qabağındadır. Nə qədər sözün yumşaq mənasında vicdansız olasan ki, görülən işləri, hərtərəfli inkişafı görməyəsən! Qiymət vermək, alqışlamaq bir yana qalsın, belə işlərə əl atmaq şərəfsizlikdən başqa bir şey deyildir. Gəlin ədalətli olaq . ağa ağ , qaraya qara deyək !
Daşkəsən Rayon İcra Hakimiyyətinin Başçısı Əhəd Abıyev - Hər zaman ölkəmizin və xalqımızın maraqlarını hər şeydən üstün tutan Prezident İlham Əliyev
Pandemiyanın bütün dünya iqtisadiyyatında yaratdığı qlobal problemlərə baxmayaraq ölkədə aparılan uğurlu siyasət dövlətlər üçün təqdirəlayiq nümunəyə çevrilmişdir
Bütün bəşəriyyətin həyati təhlükə ilə sınağa çəkildiyi bir dövrdə karonavirus pandemiyasının dünyada yaratdığı qlobal problemlərə baxmayaraq Azərbaycanda həyata keçirilən effektiv qabaqlayıcı tədbirlərin, ilk gündən bugünkü günə qədər düşünülmüş dövlət siyasətinin, operativ qərarların qəbulu yolu ilə gərginliyin qarşısı önəmli ölçüdə alınmışdır. Ölkə Prezidenti cənab İlham Əliyevin avqustun 6-da koronavirusla mübarizə sahəsində görülən tədbirlər və sosial-iqtisadi vəziyyətlə bağlı keçirilən müşavirədə qeyd etdiyi kimi, artıq üç həftədir ki, ölkəmizdə müsbət dinamika müşahidə edilir.
COVID-19 infeksiyası yayılmağa başladığı ilk günlərdən ölkə səhiyyəsi koronavirusla səmərəli mübarizə üçün tələb olunan standartlara uyğunlaşdırılmış, müasir tibbi laboratoriyalar, xüsusi avadanlıqlar alınmış, qoruyucu və dezinfeksiya vasitələrinin istehsalı təşkil olunmuşdur. Ən qısa müddət ərzində koronavirusla birbaşa mübarizə üçün 10 mindən artıq çarpayı yeri hazırlanmış, digər ölkələrdən böyük təcrübəyə malik olan həkim personalı Azərbaycana gətirilmiş, 9 modul tipli xəstəxana istismara verilmişdir. Bu gün Respublikada 46 xəstəxana bu istiqamətdə fəaliyyət göstərir.
Son dövrdə, əsasən, iyunun 21-dən etibarən ölkəmizdə xəstəlik çoxalmağa başlamış, lakin bütün resurslar xəstəliyə yönəlmiş, görülmüş preventiv tədbirlərin və həkimlərin yorulmaz fəaliyyəti nəticəsində Azərbaycanda bu xəstəlikdən ölənlərin sayı aşağı səviyyədədir.
Pandemiya şəraitində sosial və iqtisadi məsələlərin həlli istiqamətində də ardıcıl tədbirlər həyata keçirilmiş, bu dövrdə 5 milyona yaxın insan geniş sosial paketlə əhatə edilmiş, 760 min sahibkara lazımi maliyyə dəstəyi göstərilmiş, 600 min işsiz və aztəminatlı təbəqəyə aid olan insan dövlət tərəfindən qayğı ilə əhatə olunmuşdur. Heç təsadüfi deyil ki, ölkə Prezidenti cənab İlham Əliyevin son müşavirədə verdiyi tapşırığa əsasən, xüsusi karantin rejimi tətbiq edilən 13 rayonun həssas sosial təbəqədən olab insanlarına ayqust ayında da birdəfəlik ödəmənin verilməsi qərara alınmışdır.
Pan¬demiyanın hökm sürməsinə və dünya bazarında neftin qiymətinin aşağı olmasına baxmayaraq, ölkəmizdə çox böyük sosial layihələr həyata keçirilir və 2020-ci ildə rekord sayda məcburi köçkün ailəsi evlərlə, ordu sıralarında qüsursuz xidmət etmiş 400-dən çox hərbçi dövlət tərəfindən pulsuz mənzillərlə təmin olunacaqdır.
Respublikamızda həyata keçirilən sosial siyasətin mühüm istiqamətlərindən birini şəhid ailələrinin, Qarabağ müharibəsi veteranları və əlillərinin müdafiəsi təşkil edir. Prezident İlham Əliyev və birinci xanım Mehriban Əliyevanın iştirakı ilə iyulun 21-də şəhid ailələrinə, müharibə əlillərinə mənzillərin və avtomobillərin təqdim olunması mərasiminin keçirilməsi də bunun bariz ifadəsidir. Qlobal böhranın iqtisadiyyata mənfi təsirlərinə baxmayaraq bu kateqoriyadan olan vətəndaşlar üçün yeni mənzillər tikilir, onlar avtomobillərlə təmin edilirlər. İndiyədək şəhid ailələrinə və müharibə əlillərinə 8142 mənzil və fərdi ev, müharibə əlillərinə 6900 avtomobil təqdim olunmuşdur. Eyni zamanda, özünəməşğulluq proqramının əhatə dairəsi genişləndirilmiş, ünvanlı sosial yardımdan istifadə edənlərin sayında da artımlar qeydə alınmışdır. Koronavirus pandemiyası bu gün qlobal iqtisadiyyatda kəskin azalmalara gətirib çıxarmış, dünya iqtisadiyyatında, eləcə də aparıcı ölkələrin ümumi daxili məhsulunda azalma müşahidə edilmişdir. Pandemiyanın bütün dünya iqtisadiyyatında yaratdığı qlobal problemlərə baxmayaraq ölkədə aparılan uğurlu siyasət dövlətlər üçün təqdirəlayiq nümunəyə çevrilmişdir.
Ölkə başçısı son müşavirədə qeyd etdi ki, bu gün ölkəmizdə bütövlükdə iqtisadiyyatın liberallaşdırılması ilə bağlı ölkənin iqtisadi blokuna məsul dövlət qurumları durum dəyərləndirmələri aparır, planlar qurur, özəlləşdirmə sahəsində də daha geniş islahatların aparılması gözlənilir. Cənab prezidentin tapşırığına əsasən, bu ilin sonuna qədər görüləcək işlər, xüsusilə, sahibkarlıqla bağlı olan işlər, eyni zamanda, dövlət şirkətlərinin idarə edilməsi istiqamətində atılacaq addımlar iqtisadi canlanmanı təmin edəcək, itkiləri azaldacaqdır. Bu gün Azərbaycanın iqtisadi gücü, maliyyə durumu ən mürəkkəb hallarda belə mühüm qərarlar qəbul etməyə və onun səmərəsini təmin etməyə imkan verir.
Azərbaycanda pandemiyanın yayılması sahəsində vəziyyətin yaxşılaşma istiqamətində inkişaf etdiyini nəzərə alaraq, Operativ Qərargah yaxın zamanlarda bir sıra yumşalma proseslərinə də hazırlıq işləri görür. Lakin, insanlarımız maska və sosial izolyasiya rejiminə, sanitar-epidemioloji qaydalara hələ uzun müddət riayət etməlidir. Çünki, xəstəlik yoxa çıxmayıb, xəstəliyə qarşı mübarizə aparılır. COVİD-19 bu gün dünyanın bir nömrəli bəlasıdır. Şükür olsun ki, Azərbaycanda koronavirusla bağlı mövcud vəziyyətin nəzarətdən çıxmaması üçün bütün qüvvələr səfərbər edilib. Biz də vətəndaş olaraq qaydalara əməl etməklə dövlət tərəfindən görülən tədbirlərə dəstək olmuş olarıq.
Daha çox xəbər:
Şər və Böhtan yazanlara tutarlı cavab - Adil Məmmədov - ÖZƏL
Gündəm, Bölgə
Cavid Qurbanov videokonfrans keçirdi - Foto
Gündəm, Siyasət
“Vaxtında bu addımları atmasaydıq, faciəvi vəziyyətlə üz-üzə qala bilərdik”
Gündəm, Siyasət
Süleyman Mikayılovun görülən işlərin siyahısına nəzər salanda həyata keçiri ...
Gündəm, Ölkə
Şəhid ailələri və müharibə əlillərinə avtomobil və mənzillər verildi — FOTO
Cəmiyyət