Bərxudar Bərxudarov – Məsuliyyətli rəhbərlik, dövlətə sədaqət və insanlara xidmət nümunəsi

Azərbaycan cəmiyyətində elə rəhbər simalar var ki, onların fəaliyyəti təkcə tutduqları vəzifə ilə deyil, həm də nümayiş etdirdikləri mənəvi dəyərlər, vətəndaş mövqeyi və insanlara münasibəti ilə yadda qalır. Belə şəxsiyyətlərdən biri də Şirvan Dövlət İqtisadiyyat və Humanitar Kollecinin direktoru Bərxudar Bərxudarovdur. O, illərdir ki, üzərinə düşən məsuliyyəti yüksək peşəkarlıqla yerinə yetirir, təhsil ocağının inkişafı, gənclərin sağlam ruhda formalaşması və dövlətçilik prinsiplərinin təbliği istiqamətində ardıcıl fəaliyyət göstərir.
Bərxudar Bərxudarovun rəhbərlik fəlsəfəsinin əsasında dövlətə və dövlətçiliyə sədaqət dayanır. O, Azərbaycan Respublikasının Prezidenti cənab İlham Əliyevin həyata keçirdiyi daxili və xarici siyasəti daim dəstəkləyir, bu siyasətin təhsil sahəsində düzgün icrası üçün bütün imkanlardan istifadə edir. Onun fəaliyyəti sübut edir ki, təhsil müəssisəsi təkcə bilik verən yer deyil, eyni zamanda vətənpərvərlik, milli-mənəvi dəyərlərə hörmət və sosial məsuliyyət aşılayan mühüm bir mərkəzdir.
Direktor kimi Bərxudar Bərxudarov Şirvan Dövlət İqtisadiyyat və Humanitar Kollecində sağlam idarəetmə mühiti formalaşdırıb. O, kollektivi bir ailə kimi birləşdirməyi bacaran, müəllim və tələbələrin problemlərinə biganə qalmayan, hər kəsin fikrinə dəyər verən rəhbərdir. Kollecdə tədrisin keyfiyyətinin yüksəldilməsi, maddi-texniki bazanın möhkəmləndirilməsi, müasir təhsil metodlarının tətbiqi məhz onun məqsədyönlü fəaliyyətinin nəticəsidir.
Bərxudar Bərxudarovun fəaliyyətində xüsusi diqqət çəkən məqamlardan biri də şəhid ailələrinə, qazilərə və sosial cəhətdən həssas təbəqəyə göstərdiyi diqqət və qayğıdır. O, hər zaman şəhid ailələrinin yanında olur, onların problemlərinin həllinə imkanları daxilində dəstək verir. Bu münasibət formal xarakter daşımır, səmimi və insanpərvər yanaşmanın bariz nümunəsidir. Məhz bu keyfiyyətlərinə görə Bərxudar müəllim həm kollektiv, həm də ictimaiyyət arasında böyük hörmət və nüfuz qazanıb.
Təhsil sahəsində çalışan rəhbər üçün ən vacib məsələlərdən biri gənclərin düzgün istiqamətdə formalaşmasıdır. Bərxudar Bərxudarov bu məsuliyyəti dərindən dərk edərək tələbələrin yalnız peşəkar kadr kimi deyil, həm də vətənini sevən, dövlətinə bağlı, milli dəyərlərə hörmət edən vətəndaşlar kimi yetişməsinə xüsusi önəm verir. Kollecdə mütəmadi olaraq vətənpərvərlik mövzusunda tədbirlərin, görüşlərin, anım mərasimlərinin keçirilməsi onun təşəbbüsü və dəstəyi ilə həyata keçirilir.
Bərxudar Bərxudarovun idarəçilik üslubu şəffaflıq, ədalət və prinsipiallıq üzərində qurulub. O, işində ayrı-seçkiliyə yol vermir, hər bir əməkdaşın əməyini qiymətləndirir və haqq-ədaləti daim üstün tutur. Bu yanaşma kollektivdə sağlam psixoloji mühitin formalaşmasına, işin daha səmərəli qurulmasına imkan yaradır. Nəticədə kollecdə həm tədris göstəriciləri yüksəlir, həm də əməkdaşlar özlərini dəyərli hiss edirlər.
Onun fəaliyyəti təkcə kolleclə məhdudlaşmır. Bərxudar Bərxudarov cəmiyyətin sosial həyatında da fəal iştirak edir, dövlətin həyata keçirdiyi sosial layihələrə dəstək göstərir, ictimai əhəmiyyətli təşəbbüslərdə yaxından iştirak edir. Bu da onun yalnız bir təhsil rəhbəri deyil, eyni zamanda məsuliyyətli vətəndaş olduğunu bir daha təsdiqləyir.
Nəticə etibarilə, Bərxudar Bərxudarov öz fəaliyyəti ilə etimadı doğruldan, dövlətin təhsil siyasətinə layiqli töhfələr verən, insanlara qayğı və diqqəti ilə seçilən nümunəvi rəhbərdir. Onun rəhbərlik etdiyi Şirvan Dövlət İqtisadiyyat və Humanitar Kolleci bu gün regionda nüfuzlu təhsil ocaqlarından biri kimi tanınırsa, bu, məhz Bərxudar müəllimin əzmkarlığının, prinsipial mövqeyinin və fədakar əməyinin nəticəsidir. Belə rəhbərlər Azərbaycan təhsilinin və ümumilikdə dövlətçiliyimizin möhkəmlənməsində mühüm rol oynayır və cəmiyyət üçün dəyərli nümunə təşkil edirlər.
Şirvan Dövlət İqtisadiyyat və Humanitar Kollecinin direktoru Bərxudar Bərxudarov Azərbaycan Respublikasının Prezidenti, Müzəffər Ali Baş Komandan cənab İlham Əliyevi ad günü münasibətilə səmimi-qəlbdən təbrik edir.
Cənab Prezidentin müdrik və uzaqgörən siyasəti nəticəsində Azərbaycan bu gün regionun ən güclü, söz sahibi olan dövlətlərindən birinə çevrilmişdir. Dövlətçilik ənənələrinin möhkəmləndirilməsi, sosial rifahın yüksəldilməsi, təhsil və elm sahəsinə göstərilən xüsusi diqqət ölkəmizin davamlı inkişafını təmin edən əsas amillərdəndir. Xüsusilə, Vətən müharibəsində qazanılmış tarixi Zəfər Sizin qətiyyətli liderliyinizin və xalq–ordu birliyinin parlaq təcəssümüdür.
Bərxudar Bərxudarov cənab Prezidentə möhkəm cansağlığı, uzun ömür, ali dövləti fəaliyyətində yeni-yeni uğurlar arzulayır, Azərbaycanın tərəqqisi və xalqımızın firavan gələcəyi naminə gördüyü bütün işlərdə daim müvəffəqiyyətlər diləyir.



Dilşad Əhmədova
Baş redaktor