Gündəm, Ölkə
02 noyabr 2020
1153
DAD VƏ KEYFİYYƏTİNİ TƏCRÜBƏMİZDƏN ALMIŞ KOLBASA, KONSERV VƏ DELİKATES MƏHSULLARINI İSTEHSAL EDİRİK
Bəylik Ət Kəndli Fermer Təsərüffatı MMC 29.09.2016-cı ildə fəaliyyətə başlamışdır. MMC-nin fəaliyyəti kolbasa ,konserv və delikates məhsullarının istehsalı və satışı ilə fəaliyyətdərdir. Bizim vizyonumuz, fermalardan süfrənizə qida təhlükəsizliyi şərtlərini qoruyub əməl edərək daim inkişaf etmək, sağlam, kefiyyətli və etibar edilməyə layiq ət məhsulları təqdim etməkdir. Bənzərsiz ləzzətlərlə süfrələrinizin baş tacı olmaqdır. Müasir istehsal sahəsi yaratmaq üçün, lazımı texnoloji investisiya edərək müştərilərimizə ən yaxşısını təqdim etmək bizim ən birinci şirkət siyasətimizdir.
Biz öz misiyalarımıza sadiq qalaraq istehlakçılarımıza dadından doymayacağınız ləzzətli məhsullar təqdim edəcəyimizə, insan sağlamlığını və dəyərlərini hər şeydən üstün tutacağımıza söz veririk. Məqsədimiz, öz sahəmizdə yeniliklər edən, həm müştərilərimiz, həm də işçilərimiz üçün bu sektorun lider şirkətlərindən olmaqdır. İstehsal etdiyimiz hər məhsulun arxasındayıq.
Bəylik Ət Kəndli Fermer Təsərüffatı MMC -nin rəhbəri Asif müəllim - Müzəffər Azərbaycan ordusu. Bu gün Azərbaycan ordusu böyük əzm, şücaət göstərərək torpaqlarımızı işğaldan, məkirli düşmənin tapdağından azad etmək üçün savaşır. Yenilməz və qüdrətli ordu o ordudur ki, əsgəri hər zaman, düşünmədən Vətən naminə canından keçməyə hazırdır. Bu deyim böyük zəfərlər qazanan orduların şəhid qanı ilə yazılmış tarixlərində dəfələrlə sınaqdan keçmişdir. Döyüşlərin qızğın getdiyi hal-hazırki vəziyyətdə, “Böyük Qayıdış”ın astanasında olan Azərbaycan ordusu bir daha sübut etdi ki, ən müasir silahlara sarılmış düşmən belə onun qarşısında tab gətirə bilməz. Ordumuz bunu sıralarında xidmət edən və qəlbində vətənpərvərlik ruhu hakim olan əsgərinin, zabitinin, döyüşçüsünün sayəsində əldə edə bilmişdir. Vətən qarşısında şərəflə, qürurla xidmət edən əsgərlərimiz, zabitlərimiz bir an belə tərəddüd etmədən, qorxmadan, çəkinmədən doğma Azərbaycan uğrunda ölümə can atırlar. Onların nümayiş etdirdikləri vətənpərlik nümunələri hər bir azərbaycanlının qürurunu oxşadığı kimi, düşməni də bir o qədər təlaşa saldı. Azərbaycan oğulları istənilən an düşməni məhv etməyə qadirdir. Bunun təzahürüdür ki, Azərbaycan əsgəri hər gün üçrəngli bayrağımızı işğaldan azad olunan yeni yaşayış məntəqələrində ucaldır. Azərbaycan ordusu Ermənistan rəhbərliyinin bugünə qədər öz ordusunun yenilməzliyi, gücü haqqında dırnaqarası dastanlarının sadəcə bir yalandan və mifdən ibarət olduğunu bir neçə gün ərzində bütün dünyanın və erməni xalqının gözü önünə sərdi.
Ali Baş Komandanın xalqa hər müraciətində işğalda olan yeni torpaqlarmızın azad olması, düşməndən hərbi silah-sursat avadanlıqlarının qənimət kimi ələ keçirilməsi və ya məhv edilməsi haqqında olan məlumatları Ermənistana layiq olduğu yeri göstərdiyinin sübutudur. Ermənistan hərbi-siyasi rəhbərliyi isə bu məğlubiyyətlə barışa bilmir və ən yaxşı bildiyi işə - yalanlara və böhtanlara əl atır. Onlar iddia edirlər ki, guya Azərbaycan ordusunun tərkibində başqa xarici qüvvələr də var. Lakin bu, elə iddia olaraq da qalmaqda davam edir. Çünki bu iddiaları əsaslı edəcək kiçicik bir dəlil belə yoxdur. Sadəcə onların uydurduğu yalanlar, böhtanlar var ki, bunların da əsassız olduğunu Ali Baş Komandanımız verdiyi hər müsahibəsində və xalqa hər müraciəti zamanı dəfələrlə vurğulayıb. Bütün bu yalanlarala da kifayətlənməyən Ermanistan rəhbərliyi bu dəfə daha xain, tam özlərinə yaraşan bir plana əl ataraq dinc əhaliyə qarşı terror törətməyə başladı. Döyüş meydanında müzəffər Azərbaycan Ordusunun qarşısında dayana bilməyən, qorxaq kimi silahlarını və hərbi texnikalarını meydanda qoyub qaçan düşmən Gəncədə, Bərdədə və Tərtərdə əliyalın, dinc əhaliyə qarşı atdığı raket zərbələri ilə erməni xalqı qarşısında itirmiş olduğu etibarını geri qazanmağa çalışır. Düşmənin bu hiyləgər planının, xain davranışının digər məqsədi isə döyüş miqyasını genişləndirmə siyasətini həyata keçirmək cəhdləridir. Bunun isə sadəcə bir adı var - terrorizm! Tarix boyu yalan, böhtan, məkrli siyasət idealogiyasının əsasına çevrilmiş bir xalqın süqutu isə qaçılmazdır. Ermənistandan fərqli olaraq Azərbaycan Ordusu idealogiyası Vətən, torpaq, şücaət kimi tarixən xalqımıza məxsus olan anlayışlarla tərbiyələnib ki, bu da bir sıra digər ölkələrdə olduğu kimi yaddaşlara gömülməyib. Əksinə, bugün xalqın dəstəyini hiss edərək irəliləyən ordumuz döyüş meydanında hər kəsi buna şahid edir. Ölkə başçımızın da vurğuladığı kimi, Azərbaycan Ordusu özünün düşməndən hər bir cəhətdən üstün olduğunu bir daha sübut etdi. İşğal edilmiş ərazilərin xeyli hissəsi bir ay ərzində azad olundu. Azərbaycan Ordusu dünyada ən yaxşı döyüş qabiliyyətinə malik ordulardan biri hesab edilir. Ölkələrin hərbi potensialının dəyərləndirilməsi ilə məşğul olan qurumların vaxtaşırı dərc etdiyi reytinqlərə əsasən, ordumuz dünyanın aparıcı 50 ordusu sırasındadır. Lakin ordunun, eləcə də Silahlı Qüvvələrin döyüş ruhuna görə siyahı tərtib edilsəydi, şübhəsiz ki, Azərbaycanın adı dünya birinciləri sırasında yer alardı!
Bugünlər Azərbaycan xalqı bir yumruq kimi birləşərək böyük sevinc və həyəcanla cəbhə bölgəsində gedən döyüşləri, rəşadətli Azərbaycan ordusunun zəfərlərini izləyir. Qüdrətli Azərbaycan Ordusunun olması hər bir Azərbaycan vətəndaşının arzusu idi. Artıq bu arzu deyil, reallıqdır! Bu gün Ali Baş Komandanın əmri ilə ordumuzun qarşısında duran əsas vəzifəsi odur ki, 30 ildir danışıqlar və sülh yolu ilə alınmayan torpaqlarımızı müharibə yolu ilə işğaldan azad etsin! Ordumuzun bugünkü vəziyyəti, düşmənə endirdiyi sarsıdıcı zərbələr bu vəzifənin öhdəsindən gəlməyə tam hazır olduğunu göstərdi! Azərbaycan Ordusu müstəqilliyimizi əbədi qorumaq, ərazi bütövlüyümüzü bərpa etmək gücündədir! Azərbaycan Ordusu dövlətin dayağı, xalqın qürur mənbəyidir!
Daha çox xəbər:
“Bizi Vətən çağırdı”: Zəfərlə dolu 30 gün... - VİDEO
Gündəm, Cəmiyyət, Video
İmamverdi İsmayılov: Qubadlı bizimdir, Qarabağ Azərbaycandır!
Cəmiyyət
C.Əhmədov: “Ali Baş Komandan gələcək nəsillərin qəlbində əbədi bir qürur mə ...
Cəmiyyət
Prezident: “Füzuli çaqqalların, yırtıcı vəhşilərin əlində idi”
Siyasət
Düşməndən etiraf: Azərbaycan Ordusu daha 40 erməni işğalçısını məhv etdi
Kriminal