Zaur Tarverdiyev - İNSANLIĞA XİDMƏT

Mənəvi yüksəlişə xidmət edən nəcib missiya

Tarixdən məlumdur ki, hər bir xalq ictimai-iqtisadi formasiya dəyişkənliyində minilliklər boyu formalaşmış milli-mənəvi dəyərlərini, adət-ənənələrini, ümumilikdə, düşüncə sistemini mənfi təsirlərdən qorumaqla özünütəsdiq imkanı qazanır. Qloballaşan dünyanın milli mədəniyyətləri təhdid edən yad ideyalar fonunda xalqların özünəməxsusluğunu səciyyələndirən dəyərlərin hifz olunması xüsusilə zəruridir. Bu zərurət ilk növbədə onunla şərtlənir ki, fərqli mədəniyyətlərin dialoqu, dünya iqtisadiyyatının təmərküzləşməsi, informasiya və kommunikasiya texnologiyalarının sürətli inkişafı bəzən mütərəqqi mahiyyətindən uzaqlaşır, milli mədəniyyətə və mənəvi dəyərlər sisteminə təhlükə yaradır.
Müstəqillik tarixi o qədər də böyük olmayan Azərbaycan ötən əsrin sonlarına doğru qloballaşma "qasırğa"sına düşsə də, ulu öndər Heydər Əliyevin müdrikliyi, uzaqgörən siyasəti sayəsində milli-mənəvi, dini dəyərlərini, adət-ənənələrini kənar təsirlərdən qorumağa nail olmuşdur. Ümummilli lider xalqa daxilən, qəlbən yaxın, milli düşüncə və məfkurə sahibi olan şəxsiyyət olaraq milli kimliyi ifadə edən dəyərlərə daim həssas yanaşmış, onların hifz edilərək gənc nəslə aşılanmasını vacib saymışdır. Ulu öndər Heydər Əliyev, bu mənada, həm də xalqın inanclarını, milli dəyərlərini bütün siyasi proseslərin fövqündə saxlayaraq qorumağı bacarmışdır. Eyni siyasi kursu uğurla davam etdirən Azərbaycan Prezidenti İlham Əliyevin fəaliyyətində də milli-mənəvi, əxlaqi dəyərlərə, adət-ənənələrə hörmət prinsipi ön plandadır. Dövlət başçısı milli mədəniyyətin total təsirlərə məruz qalmasına yol vermir, xalqın əsrarəngiz mədəni irsinin dünya miqyasında təbliğini vacib sayır.
Xüsusi vurğulamaq lazımdır ki, Azərbaycan Prezidenti İlham Əliyevin dövlətin inkişafı, qüdrətlənməsi naminə həyata keçirdiyi çoxşaxəli siyasətə töhfəsini verən Heydər Əliyev Fondu da Azərbaycan xalqının milli mədəniyyətinin, milli-mənəvi dəyərlər sisteminin qorunmasında, habelə cəmiyyətdə saflıq, nəciblik, xeyirxahlıq kimi dəyərlərin təbliğində müstəsna xidmətlərə malikdir. Fond yarandığı gündən ulu öndərin mərhəmət, nəciblik və yüksək humanizmə əsaslanan ali ideallarının ictimai şüurda möhkəmlənməsinə çalışır, millətin gələcəyi naminə bir sıra strateji əhəmiyyətli layihələri inamla həyata keçirir, ümummilli liderin xeyirxah və nəcib əməllərini yaşadır, ölkə vətəndaşlarının zəruri istək və arzularının gerçəkləşməsinə, problemlərinin operativ həllinə maddi-mənəvi dəstək verir.
Xeyriyyəçilik, insansevərlik, mərhəmət Azərbaycan xalqının mentalitetinə, mədəniyyətinə, əsrlər boyu formalaşan ənənələrinə xas gözəl keyfiyyətlərdən biridir və fərəhlidir ki, hazırda Heydər Əliyev Fondu bu ənənələri uğurla davam etdirir. Məhz bu xoşməramlı fəaliyyətinə görə də fond Azərbaycanda böyük hörmətə malik olan və ölkənin ictimai həyatında mühüm rol oynayan bir quruma çevrilmişdir. Ölkə vətəndaşlarının mütləq əksəriyyətinin bu fəaliyyəti rəğbət və məmnunluq hissi ilə izləməsini isə Azərbaycanın birinci xanımının yüksək humanizmində, işgüzarlığında və qayğıkeşliyində axtarmaq lazımdır.
Məhz elə iş adamları vardı ki, onlar dövlətə, dövlətçiliyə özünün işinin peşəkarlığı ilə xidmət edir, bu insanlarda biri də Sumqayıt maşın bazarının müdiri Zaur Tarverdiyevdir.
Zaur Tarverdiyev ölkə başçısı İlham Əliyev cənablarının və 1-ci vitse-prezident Mehriban xanım Əliyevanın apardığı daxili və xarixi siyasətini həmişədən dəstəkləmişdir. Zaur Tarverdiyev özünün vətənpərvərliyi ilə öndə gedən iş adamlarından biridir. Zaur müəllim haqqında xoş sözlər, xoş arzuları dayanmadan yazmaq olar.
İnsan öz əqidəsini elan kimi divardan asmamalıdır. Zaur Tarverdiyevi tanıyanlar tanıyır, tanımayanlar üçün ərz edim ki, o vətəni, dövləti, xalqı uğrunda tər tökən əqidə adamıdır.
Sumqayıt maşın bazarının müdiri Zaur Tarverdiyev peşəkarlığı və qayğıkeşliyi ilə seçilən insandır.
Şərəfli sədr peşəsinə yiyələnən Zaur Tarverdiyev bu işin müqəddəsliyini qoruyub saxlayır. Zaur Tarverdiyev kömək etdiyi hər kəsin rəğbətini qazanan insanlardandır.
Biz öz növbəmizdə Zaur Tarverdiyevi bundan sonrakı iş fəaliyyətində uğur, zəfər və qalibiyyət arzu edirik.

Baş direktor: Dilşad Əhmədova
Tel.: +994 70 741 66 29