Bəylik KFC kolbasa və ət məhsullarından ilginc araşdırma...

Azərbaycanın kolbasa-sosiska bazarında satılan məhsullarla bağlı elə vahiməli, qorxunc xəbərlər gəlir ki, insanın tüklərini ürpədir.
Ekspertlər də yerli mallardan uzaq durmağa çağırırlar: onkoloji xəstəlik mənbəyi, mənşəyi bilinməyən ətlər, müxtəlif kimyəvi qatqılar və s.
Apardığı araşdırma və eləcə də bəzi müşahidələrə istinadən bildiririk ki, növbəti həyəcanlı iddialar “Bəylik KFC kolbasa ət məhsulları şirkəti” əmtəə nişanlı kolbasalar haqda səslənməkdədir.
İstifadəyə verilən Bəylik KFC kolbasa ət məhsulları şirkəti xalqımıza normal məhsul satmır.
Müşahidəçilər qeyd edirlər ki, “Bəylik KFC” kolbasa ət məhsulları şirkətinın müəssisəsinin yaxınlığından keçmək olmur. Çünki ərazini qəribə bir qoxu, üfunət bürüməkdədir.
Bu da həmin firmanın məhsullarının keyfiyyətinə, istifadə edilən qidaların tərkibinə dair ilkin şübhələrə yol açır. Axı orada hansı qatqılardan, hansı ətdən istifadə edilir ki, istehsalat prosesi zamanı ətrafı belə bir iy bürüyür?
Bu suala cavab tapmaq üçün internet mediasında da axtarışlar aparmışıq. Məlum olur ki, ilk növbədə “Bəylik KFC” kolbasa və sosiskaları nəinki halal deyil hələ insan arqanizminə ciddi təhlükə törədən maddələr var.
Hələ bir müddət əvvəl Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən “Bəylik KFC” kolbasa ət məhsulları şirkəti istehsalat sahəsində yoxlama zamanı nöqsanlar aşkarlanmışdı.
Müəssisə tərəfindən bilərəkdən yalan reklamlar yayımlanmaqla və məhsulların markalanmasında düzgün olmayan məlumatlar verilməklə istehlakçıların çaşdırılmasına yol verildiyi müəyyən edilmişdi.
Demə, “Bəylik KFC” kolbasa ət məhsulları şirkəti əmtəə nişanlı ət məhsullarının avtonəqliyyat vasitələrində yayımlanan reklamlarında, həmin əmtəə nişanlı “Bəylik KSC” kolbasa və sosiskaları halal olması saxta imiş.
Qurumun rəsmi xəbərində deyilirdi ki, həmin məhsulların tərkibində donuz əti və piy var, halal məhsul deyil, yalan reklamlardır. Şirkətin “Servelat” kolbasalardan birinin içərisindən isə qalıqlar tapılmışdı.
Halbuki, halal adı ilə bazara çıxmışdılar və uzun müddət istehlakçıları aldatmışdılar. Yalnız nazirliyin cəriməsi nəticəsində etiraf etməli olmuşdular.
Ona görə son dövrlərdə bu şirkətin məhsullarına tələbat kəskin şəkildə aşağı düşüb, marketlərdə satış səviyyəsi zəifləyib, “Bəylik KFC” kolbasa ət məhsulları şirkəti müştərilərin etibarını, inamını itirib.
Belə çıxır ki, əhaliyə satılan bu məhsulların tərkibinə, ətin mənşəyinə də şübhə etməyə ciddi əsas var. Bazara halal adı ilə çıxan, sonra yalan danışdığını etiraf edən şirkətdən nə desən gözləmək olar.
O halda ailələrimizə niyə bu məhsuldan almalıyıq? Kim uşağına bu şirkətin sosiskalarını yedirər? Bu cür məlumatlardan, açıqlamalardan və sanksiyalardan sonra hansı müştəri marketdən məhz “Bəylik KFC” kolbasa ət məhsulları şirkəti istəyər?
Belə bir zədələnmiş reputasiyaya malik müəssisənin məhsullarından uzaqda durmaqdan zərər gəlməz.
Son vaxtlar leş ət mafiyası ilə bağlı faktların üzə çıxması da bütövlükdə ölkədəki kolbasa firmalarının məhsullarından almamağa əminlik yaradır.
Axı bu ətlər hara gedə bilər – evlərə deyil, dönərxanalara, kolbasa sexlərinə, şadlıq saraylarına və s.