Hadisə
30 avqust 2021
1304
Avqust ayının son gününə olan hava proqnozu açıqlanıb
![Avqust ayının son gününə olan hava proqnozu açıqlanıb Avqust ayının son gününə olan hava proqnozu açıqlanıb](https://olke.az/photo/770x415/2021/08/30/1630313781_07fcee81-0680-39f2-83aa-39cace8dce68_850.jpeg)
Bakıda və Abşeron yarımadasında avqustun 31-də hava şəraitinin yağmursuz keçəcəyi gözlənilir.
Milli Hidrometeorologiya Xidmətindən verilən məlumata görə, şimal-şərq küləyi gündüz cənub-şərq küləyi ilə əvəz olunacaq.
Havanın temperaturu gecə 23-26° isti, gündüz 32-36° isti, Bakıda gecə 24-26° isti, gündüz 34-36° isti olacaq.
Atmosfer təzyiqi normadan aşağı 756 mm civə sütunu təşkil edəcək. Nisbi rütubət gecə 60-70 %, gündüz 40-45 % olacaq.
Azərbaycanın rayonlarında hava əsasən yağmursuz keçəcək. Lakin gündüz saatlarında bəzi dağlıq rayonlarda şimşək çaxacağı, qısamüddətli yağış yağacağı ehtimalı var. Şərq küləyi əsəcək.
Havanın temperaturu gecə 20-25° isti, gündüz 34-39° isti, dağlarda gecə 14-19° isti, gündüz 24-29° isti olacaq.
![](/templates/everyday-106-blue/images/728rkl.jpg)