İqtisadiyyat
22 oktyabr 2020
354
Suqovuşan və Talış kəndlərinə gedən tarixi yolların bərpasına başlanılıb - FOTO

Azərbaycan Respublikasının Prezidenti, Ali Baş Komandan İlham Əliyevin tapşırığına əsasən, Avtomobil Yolları Dövlət Agentliyi tərəfindən, 3 oktyabr tarixində Azərbaycan Ordusunun həyata keçirdiyi əks-hücum əməliyyatları nəticəsində Ermənistan silahlı qüvvələrinin işğalından azad edilmiş Tərtər rayonunun Suqovuşan və Talış kəndlərinə gedən avtomobil yollarının bərpasına başlanılıb.
Bu barədə Azərbaycan Avtomobil Yolları Dövlət Agentliyindən bildirilib.
Ümumi uzunluğu 29 km olan avtomobil yolları IV texniki dərəcəyə uyğun olaraq bərpa edilir. Hərəkət hissəsinin eni 6 metr, çiyinlərin eni isə hər bir istiqamət üzrə 2 metr olmaqla yol yatağının eni 10 metr təşkil edəcək.
Tərtər rayonunun Suqovuşan və Talış kəndlərinə gedən avtomobil yolları uzun müddət düşmən tapdağı altında olduğundan tamamilə sıradan çıxmış və dağılmışdır. Hazırda yol boyu yararsız qrunt qazılaraq çıxarılır, yararlı qruntla əks-dolğu işləri aparılır, torpaq yatağı bərpa olunur və yeni yol əsası inşa edilir.








Daha çox xəbər:

Prezident tapşırıq verdi: Suqovuşan və Talışa aparan yolların bərpasına baş ...
İqtisadiyyat
Ağdamda 3 cəbhəyanı kəndin yolu yenidən qurulub
İqtisadiyyat, Bölgə
Nazirlikdən işğaldan azad olunmuş “Suqovuşan”ın əhəmiyyəti ilə bağlı AÇIQLA ...
Cəmiyyət
Tovuzda yeni avtomobil tunelinin inşasına başlanılıb - FOTO
İqtisadiyyat
18 min insanın istifadə etdiyi yol yenidən quruldu - Fotolar
Gündəm, Ölkə