Siyasət
29 sentyabr 2020
385
Prezidentin köməkçisi dünyanın aparıcı KİV nümayəndələrini Azərbaycana dəvət etdi

Azərbaycan Respublikası Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Türkiyə Respublikasında akkreditə olunmuş dünyanın aparıcı xarici KİV nümayəndələrinə (“Wall Street Journal”, “Reuters”, “Voice of America”, “New York Times”, “CNN International”, “Politico”, “Deutsche Well”, “El Pais”, “El Periodico”, ORF, “Bloomberg” və “Journo”) videoformatda mətbuat brifinqi verib.
Ermənistan silahlı qüvvələrinin son təxribatları barədə məlumat verən Hikmət Hacıyev cəbhəboyu zonada yerləşən mövqelərimizin və yaşayış məntəqələrimizin qəsdən intensiv surətdə atəşə tutulduğunu bildirib.
Mülki əhali arasında həlak olan və yaralananların olduğunu təəssüflə bildirən Prezidentin köməkçisi indiyədək ikisi azyaşlı olmaqla, 10 nəfərin həlak olduğunu və 30 nəfərin yaralandığını qeyd edib.
Habelə Hikmət Hacıyev ordumuzun əsas məqsədinin Ermənistanın növbəti hərbi təcavüzünün qarşısının alınması, mülki əhalinin təhlükəsizliyinin təmin edilməsi, ələlxüsus ölkəmizin beynəlxalq səviyyədə tanınmış ərazi bütövlüyünün təmin edilməsi olduğunu bildirib.
Daha sonra Prezidentin köməkçisi jurnalistlərin suallarını cavablandırıb və onları Azərbaycana dəvət edib.

Daha çox xəbər:

Prezidentin köməkçisi Ermənistanın təxribatını şərh etdi — “Köçürülmüş insa ...
Siyasət
Prezidentin köməkçisindən məktəblərin fəaliyyətinin bərpası ilə bağlı VACİB ...
Ölkə
Ceyhun Bayramov xaricdəki diplomatik nümayəndəlik və konsulluqların rəhbərl ...
Siyasət
Prezidentin köməkçisi Ermənistanın Tovuz təxribatlarının səbəbini açıqladı
Siyasət
Hikmət Hacıyev Arsen Xaratyanla debata çıxıb
Siyasət