Naxçıvan Muxtar Respublikasında yerləşən "N" saylı hərbi hissənin keçmiş komandiri, polkovnik Samir Mətləb oğlu Həziyev barəsində seçilən həbs-qətimkan tədbiri ilə bağlı apellyasiya şikayəti rədd edilib.

APA-nın məlumatına görə, bu gün Bakı Apellyasiya Məhkəməsində hakim Fərid Əyyubovun sədrliyi ilə keçirilən iclasda qərar elan olunub. Məhkəmə, birinci instansiya məhkəməsinin qərarını qüvvədə saxlayaraq, şikayəti təmin etməyib.

Polkovnik Samir Həziyev Azərbaycan Respublikası Cinayət Məcəlləsinin 341.2.3-cü maddəsi ilə ittiham olunur. Azərbaycan Respublikası Hərbi Prokurorluğunun təqdimatı əsasında Bakı Hərbi Məhkəməsi onun barəsində həbs qətimkan tədbiri seçib. Hazırda istintaq prosesi davam edir.