Baş nazir Əli Əsədov İranın Yeni Prezidenti Məsud Pezeşkianın Andiçmə Mərasimində İştirak Edib

Azərbaycan Respublikasının Prezidenti İlham Əliyevin tapşırığı ilə Baş nazir Əli Əsədov iyulun 30-da İran İslam Respublikasının yeni seçilmiş Prezidenti Məsud Pezeşkianın andiçmə mərasimində iştirak edib.

Həmçinin, Əli Əsədov həmin gün Tehranda İranın yeni təyin olunmuş Birinci vitse-prezidenti Məhəmməd Reza Aref ilə görüşüb. Görüş zamanı Əli Əsədov Məhəmməd Reza Arefi bu vəzifəyə təyin edilməsi münasibətilə təbrik edib və iki ölkə arasında ticarət-iqtisadi, nəqliyyat, enerji, humanitar və digər sahələrdə əməkdaşlığın inkişafından məmnunluq ifadə olunub. Azərbaycan-İran əməkdaşlığının müxtəlif istiqamətlərdə genişləndirilməsi və qarşılıqlı maraq doğuran digər məsələlər ətrafında müzakirələr aparılıb.