İranın Yeni Prezidenti Məsud Pezeşkian Məhəmməd Cavad Zərifi Yüksək Vəzifəyə Təyin Edib

İranın yeni seçilmiş prezidenti Məsud Pezeşkian keçmiş xarici işlər naziri Məhəmməd Cavad Zərifi yüksək vəzifəyə təyin edib.

Oxu.Az "Tasnim"ə istinadən xəbər verir ki, Pezeşkianın qərarına əsasən, Məhəmməd Cavad Zərif İranın strateji məsələlər üzrə vitse-prezidenti vəzifəsinə təyinat alıb.

Qeyd edək ki, Məhəmməd Cavad Zərif uzun illər İranın Birləşmiş Millətlər Təşkilatında Daimi Nümayəndəsi və İranın xarici işlər naziri vəzifələrində çalışıb.