Oğuz-Qəbələ-Bakı su kəmərində təmir işləri başa çatıb

Oğuz-Qəbələ-Bakı su kəmərində aparılan təmir-bərpa işləri uğurla tamamlanıb və kəmərin reqlamentə uyğun doldurulması prosesi başa çatdırılıb. Azərbaycan Dövlət Su Ehtiyatları Agentliyinə daxil olan İri Şəhərlərin Birləşmiş Su Təchizatı Xidmətindən verilən məlumata görə, bu gün səhər saatlarından etibarən Bakı şəhərinin su təchizatı şəbəkəsi əvvəlki rejimdə fəaliyyətini bərpa edib. Anbarların doldurulması prosesi də yekunlaşıb və əhali mərhələli şəkildə su ilə təmin olunur.