SAĞLIĞINDA QİYMƏT VERİN İNSANLARA

Atalarımızın bu dəyərli sözünu xatırlamağım əbəs yerə deyil.
Uca Allah taleyimə bəxş etdiyi enişli-yoxuşlu, sevincli-kədərli, bir ucu ölümlü dünyada, yaşadığım 45 illik ömür yolumda məni var-dövlət, mal-mülk sahibi etməsə də, mənəviyyatı zəngin, insanlığı uca,ləyaqəti milyonlardan üstün olan, mayası xeyirxahlıqla, halallıqla yoğrulmuş sözün həqiqi mənasında şəxsiyyəti bütöv, mənəviyyatı zəngin olan insanlarla qarşılaşdırıb.Və mən heç tərəddüd etmədən deyərdim ki,həmin insanların keçdiyi mənalı həyat yolu mənim üçün örnək olub. Bu da həqiqətdir ki,mən o cür xarakterə malik olan insanlardan insan həyatı üçün yararlı olan gərəkli yaşam tərzi, gələcəyə inam,insanlara sevgi, mərhəmət, cəsarət və eyni zamanda haqsızlıqlara qarşı dözüm öyrənmişəm.
Peşə fəaliyyətim mənə bir tərəfdən insanlarla ünsiyyətdə olmaq,onların yaşadığı həyat tərzi ilə tanış olmaq,səhvlərindən nəticə çıxarmaq,cəmiyyətin müxtəlif təbəqələrinin nümayəndələri-hər hansı peşə sahibləri olursa-olsun təmas qurmaq, özümü ifadə etmək, sözümü, səsimi cəmiyyətə, aidiyyatı orqanlara çatdırmaq imkanı verib.
Açıq etiraf edim ki, mən hər dəfə mənə Allah tərəfindən verilən bu fürsəti yetərincə.dəyərləndirəndə, hüquqları pozulmuş, haqsızlıqla üz-üzə qalan vərəndaşın səsini ictimailəşdirəndə və yaxud yaşadığı ömür yolu, fəaliyyəti dəyərləndirilməyə layiq şəxsləri ictimailəşdirib onların şərəfli və gərəkli ömür yolunu işıqlandıranda qürur hissi keçirirəm. Belə insanlarla bağlı yazdığım hər cümlədə, söylədiyim hər fikirdə Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin sözlərini xatırlamamaq haqsızlıq olar:
"Mən xalqımın xidmətçisiyəm. Bütün məmurlara da dəfələrlə açıq bəyan etmişəm ki, siz xalqın xidmətçilərisiniz. Gedin xalqa ləyaqətlə xidmət edin. Kim xidmət etmirsə, o, vəzifədən dərhal çıxarılır. Ona görə də əgər Prezident və hər hansısa bir rəsmi şəxs xalqa ləyaqətlə xidmət edirsə və xalq da onu bəyənirsə,o,gərək öz fəaliyyətindən,öz vəziyyətindən arxayın olsun. Bu arxayınlıq, əminlik məndə də var".
Mən, Azərbaycan Respublikasının Prezidenti,Silahlı Qüvvələrin Ali Baş Komandanı cənab İlham Əliyevin bu dəyərli sözlərini xatırlamağım heç də təsadüfi,sözgəlişi deyil.Əlbəttə ki,cənab Prezidentimizin işlətdiyi bu dahiyanə söz mənə nəinki ideya verdi,eyni zamanda məndə əminlik,işimə daha da bağlılıq yaratdı.Və mən qəti qərara gəldim ki,zəngin təbiəti,yeraltı və yerüstü sərvətləri, əlverişli coğrafi mövqeyi ilə bütün dünyanın diqqət mərkəzində olan Odlar Yurdu Azərbaycanın ən qiymətli sərvəti olan vətəndaşlarının gələcək nəsillərə örnək olacaq şərəfli ömür yollarını işıqlandıracaq yazılarla çıxış edim. Və bu amalla yola çıxdım. Xeyirxah,mərhəmətli vərəndaşları olan Azərbaycanımız inkişaf etmiş ölkələr sırasında adı hallanmağa, öndə getməyə layiqdir.
Və mən Xeberim.info olaraq qarşıma məqsəd qoydum ki,daima axtarışda olacaq, cəmiyyətimiz, xalqımız, Azərbaycanımız üçün yararlı olan xeyirxah, mərhəmətli, tərəqqipərvər insanların keçdiyi şərəfli və gərəkli ömür yolu, həyata baxışları, qabaqcıl fəaliyyəti, iş üsulları,cəmiyyətdəki mövqeləri və yaşam tərzindən bəhs edən yazılarla çıxış edim.
Ümidvaram ki, Xeberim.info bütün oxucu kütləsi, haqqında qələmə aldığım hər bir insanın keçdiyi ömür yolunu, fəaliyyətini xalqa xidmət kimi dəyərləndirəcək.
Elə insanlar var ki, onlar sanki xüsusi bir missiya ilə dünyaya gəlirlər. Onların dünyaya gəlişi nəinki bir evin, eyni zamanda bəşəriyyətin, bir ölkənin, bir xalqın, bir elin, obanın zülmətdən aydınlığa çıxmasını təmin edir. Azərbaycanda belə şəxsiyyətlərin siyahısı tarixi xronoloji ardıcıllığı nəzərə almasaq, Azərbaycan Respublikasının Ümummilli lideri dahi Heydər Əliyevin adı ilə başlayır. Və bu şəxsiyyətlərin tarixdə rolunu, varlığını qiymətləndirənlər, onlardan öyrənənlər, nümunə götürənlər xalqın gözündə ucalır, qazandıqları nailiyyətlərlə xalqa, millətə, Vətənə göstərdikləri xidmətlərlə görkəmli şəxsiyyətə çevrilirlər.
Belə insanlardan biri də Vətənimiz Azərbaycanın ərazi bütövlüyünün bərpa olunması uğrunda- II Vətən müharibəsində çətin və şanlı bir dövrdə Azərbaycan ordusuna maddi və mənəvi dəstək göstərməsi ilə öz vətənpərvərliyini bəyan edən, hazırkı günə qədər Şəhid ailələrinə, qazilərimizə,veteranlarımıza əlindən gələn köməyini əsirgəməyən dəyərlimiz,xeyirxah əməl sahibi Bayramov Xaliq Bayram oğludur.
Missiyası qurub-yaratmaq,amalı xalqa, Vətənə sədaqətlə xidmət etmək olan bu insan zəngin və şərəfli ömür yolu keçib.
Sadəlik insanın gözəlliyi, təvazökarlıq isə təbiəti, xarakteridir. Hər iki xüsusiyyət yazımın qəhrəmanı olan Xaliq Bayramovda var.
Bəli, adı xeyirxahlıqla qoşa hallanan Xaliq müəllim heç nəyə biganə yanaşmır, hər zaman şəhid ailələrinə, qazilərə, aztəminatlı insanlara xüsusi qayğı göstərir, heç kəsdən bacardığı köməkliyi əsirgəmir.
Bəli, ona müraciət edən hər kəsə doğma insanı kimi münasibət bəsləyən bu dəyərli insan onların hər birinə qayğı ilə yanaşır, səmimi rəftar edir. O, sözünün qədir-qiymətini bilən insandı.Onun sözü ilə əməli həmişə üst-üstə düşür. İllər keçib, zaman dəyişsə də Xaliq müəllim dəyişməz qalır.
Onun ən yaxşı xüsusiyyətlərindən biri də jurnalistlərin ürəyini fəth edə bilməsidir. Heç zaman jurnalistlərdən qaçmaz, onların istənilən məsələ ilə bağlı suallarını cavablandırmağa çalışır.
Ən əsas xüsusiyyəti isə dəqiqliyi, qərəzsizliyi, obyektivliyi çox sevir və bütün qələm sahiblərinə bunu tövsiyyə edir. Ağa ağ, qaraya qara demək lazımdır, yalan məlumatlar cəmiyyətə, insanlara və gələcək nəsillərə zərər gətirər, deyə tövsiyyə edir. Mənim belə bir insan haqqında yazmaq istəməyimin əsas səbəbi də məhz Xaliq müəllimin dəyişməz xarakterli olması, hər kəsə eyni gözlə baxması, etdiyi hər hansı bir iş olur-olsun heç bir təmənna gözləməməsi, heç kəsdən əlindən gələn köməyini əsirgəməməsidir.
Mən bir yazar olaraq fəaliyyəti dövründə özünün yüksək mədəniyyəti, peşəkarlığı, heyrətləndirici əmək qabiliyyəti, sadəliyi, təvazökarlığı və humanistliyi ilə fərqlənən bu dəyərli insanı-Bayramov Xaliq Bayram oğlunu Zəfər bayramı münasibətilə ürəkdən təbrik edir,
sağlıqlı uzun ömür arzulayır, Azərbaycan Respublikasının Prezidenti, Silahlı Qüvələrin Ali Baş Komandanı cənab İlham Əliyevin rəhbərliyi altında həyata keçirdiyi məsuliyyət tələb edən çətin və həyat üçün vacib olan məsuliyyətli işində uğurlar arzulayıram.
Şərəfli fəaliyyətiniz, ləyaqətli ömrünüz uzunömürlü, davamlı olsun, Xaliq müəllim!