Azərbaycan Parisdə keçirilən Yay Olimpiya Oyunlarında medal sıralamasında 15-ci pilləyə yüksəlib.

Bu irəliləyiş, cüdoçu Zelim Kotsoyevin (100 kq) qızıl medal qazanması ilə mümkün olub. Daha əvvəl digər cüdoçu Hidayət Heydərov (73 kq) da olimpiya çempionu olub.

Boksçu Alfonso Dominqes (92 kq) yarımfinala yüksəlməklə ən azı bürünc medalı təmin edib; onun mükafatı hələ ki, cədvəldə göstərilməyib, çünki mübarizəyə davam edir.

Türkiyə və Ukrayna hər biri 1 gümüş və 1 bürünc medal ilə 35-ci sıradadır, Gürcüstan isə 1 qızıl və 2 gümüş medal ilə 17-ci yerdədir.

Medal sıralamasında ilk üçlükdə Çin (11 qızıl, 7 gümüş, 6 bürünc), ABŞ (9 qızıl, 15 gümüş, 13 bürünc) və Fransa (8 qızıl, 11 gümüş, 8 bürünc) yer alır.

Hazırda 50 ölkə medal qazanıb.

Paris-2024 Yay Olimpiya Oyunları avqustun 11-də başa çatacaq.