Müdafiə Nazirliyinin rəhbər heyəti azad edilmiş ərazilərdə xidmət edən hərbi qulluqçularla görüşüb.

Müdafiə Nazirliyinin rəhbər heyəti azad edilmiş ərazilərdə xidmət edən hərbi qulluqçularla görüşüb.

Müdafiə Nazirliyi tərəfindən verilən məlumata əsasən, nazir general-polkovnik Zakir Həsənov Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin diqqət və qayğısı nəticəsində ölkənin bütün bölgələrində, o cümlədən azad edilmiş ərazilərdə hərbi qulluqçuların maddi-texniki təminatı və sosial-məişət şəraitinin yaxşılaşdırılması üçün görülən işlərdən danışıb.

Nazir Azərbaycan Ordusunda aparılan islahatların müsbət nəticələrini vurğulayıb və bu istiqamətdə işlərin gələcəkdə də uğurla davam etdiriləcəyini bildirib.

Sonda general-polkovnik Z. Həsənov hərbi qulluqçuların problemləri ilə maraqlanıb və onların fərdi hazırlığının inkişaf etdirilməsi, həmçinin bilik və bacarıqlarının artırılması üçün şəxsi heyətə müvafiq tövsiyələr verib.