Ermənistan Parlamentində Terror Aktında İttiham Olunan Aşot Knyazyan Həbsxanada Öldü

Ermənistan parlamentində 1999-cu ildə törədilən terror aktına görə ömürlük həbs cəzası almış Aşot Knyazyan "Nubaraşen" həbsxanasında vəfat edib. Onun vəziyyəti anidən pisləşib və həkimlərin bütün səylərinə baxmayaraq, Knyazyanın həyatını xilas etmək mümkün olmayıb.

Xatırladaq ki, Aşot Knyazyan 1999-cu il oktyabrın 27-də Ermənistan parlamentində baş verən terror aktının təşkilində iştirakına görə ittiham olunmuşdu. Həmin faciəli hadisə zamanı parlamentin sədri Karen Dəmirçiyan, baş nazir Vazgen Sarkisyan və daha altı dövlət xadimi qətlə yetirilmişdi. Knyazyan, bu dəhşətli hücumun əsas iştirakçılarından biri kimi ömürlük həbs cəzasına məhkum edilmişdi.