Yaşıl Paytaxtın Fədakar Xidmətçisi – Yaşar Salahovun Nümunəvi Fəaliyyəti

Bakı kimi sürətlə inkişaf edən, modern memarlıqla zəngin bir şəhərin insanları üçün təkcə binaların möhtəşəmliyi deyil, həm də yaşıl məkanların bolluğu böyük önəm daşıyır. Paytaxtın ekoloji balansının qorunması, şəhər sakinlərinin rahat nəfəs alması, hər gün minlərlə insanın sevinclə istirahət etdiyi parkların, bağların və yaşıllıq zolaqlarının daim səliqədə saxlanılması böyük zəhmət, məsuliyyət və yüksək təşkilatçılıq tələb edir. Bu mühüm missiyanın uğurla həyata keçirilməsində öz peşəkarlığı, prinsipiallığı və dövlətə sədaqəti ilə seçilən şəxslərdən biri də Bakı Şəhər Yaşıllaşdırma Təsərrüfatı Birliyinin direktor müavini vəzifəsini icra edən Yaşar Salahovdur.
Yaşar Salahov uzun illərdir ki, paytaxtın yaşıllaşdırma siyasətinin həyata keçirilməsində xüsusi rol oynayır. Onun fəaliyyəti yalnız texniki idarəçiliklə məhdudlaşmır; o, işinə həqiqi bir vətəndaş məsuliyyəti, memar zövqü və ekologiyaya dərin sayğı ilə yanaşır. Məhz buna görə də rəhbərlik etdiyi istiqamətlərdə görülən işlərin keyfiyyəti, səmərəliliyi və davamlılığı daim yüksək qiymətləndirilir.
Yaşar Salahov idarəçilikdə prinsipiallığı, tələbkarlığı və şəffaflığı ilə fərqlənir. Onun rəhbərliyi altında həyata keçirilən layihələrdə əsas məqsəd təkcə formallıq yaratmaq deyil, Bakı şəhərinin hər bir küçəsinin, hər bir parkının, hər bir istirahət zonası və səki boyunca uzanan ağac cərgələrinin daha sağlam, daha baxımlı və daha estetik olmasıdır. O, komandasına məsuliyyət və vətəndaşlıq borcunu əsas prinsip kimi aşılayır, iş prosesinə isə tam nəzarət edir. Yaşar Salahovun iş metodu hər detalın diqqətlə qiymətləndirilməsi, hər bir yaşıllıq elementinə qayğı ilə yanaşılması üzərində qurulub.
Xüsusən də son illərdə paytaxtın sürətli inkişafı fonunda yaşıllıq sahələrinin genişləndirilməsi, mövcud sahələrin daha səmərəli idarə olunması, ağacların və bəzək kollarının sağlamlaşdırılması istiqamətində görülən işlərdə Yaşar Salahovun böyük əməyi var. O, həmçinin yeni salınan parkların layihələndirilməsi, yaşıllıq zolaqlarının bərpası, ağac inventarlarının yenilənməsi, mövsümi çiçəkləndirmə işlərinin yüksək səviyyədə aparılması kimi vacib proseslərə şəxsən nəzarət edir.
Yaşar Salahovun ən böyük üstünlüklərindən biri şəhər ekologiyasına olan həssas yanaşmasıdır. O, yaşıllığın yalnız şəhərin gözəllik atributu olmadığını, həm də paytaxtın sağlamlığının əsas şərti olduğunu yaxşı bilir. Bu baxış onun bütün iş fəaliyyətində öz əksini tapır. Yaşar müəllim daim vurğulayır ki, ağac bir canlıdır və ona münasibətdə qayğı, mühafizə və məsuliyyət əsas prioritetdir. Elə buna görə də paytaxtın müxtəlif yerlərində quraşdırılan müasir suvarma sistemləri, torpaq strukturunun yaxşılaşdırılması, yeni növ davamlı ağac və kolların əkilməsi — hamısı onun təşəbbüsləri sayəsində reallaşır.
O, eyni zamanda, kollektivlə münasibətlərində humanist, obyektiv və ədalətli mövqeyi ilə seçilir. İşçilərin problemlərinə biganə qalmır, onların daha effektli işləməsi üçün şərait yaradır, mütəmadi olaraq onların bilik və bacarıqlarının artırılması üçün təlimlərin keçirilməsinə şərait yaradır. Kollektivində birlik və səmimiyyət mühitinin qorunması məhz onun idarəçilik mədəniyyətinin göstəricisidir.
Yaşar Salahov dövlətçiliyinə, Prezident İlham Əliyevin ekoloji siyasətinə və paytaxtın yaşıl gələcəyinə xüsusi bağlılığı ilə də tanınır. Dövlət başçısının “yaşıl dünya naminə həmrəylik” çağırışları, Bakı şəhərinin daha ekoloji, daha yaşıl, daha sağlam paytaxt olması istiqamətində imza atdığı layihələr Yaşar Salahov tərəfindən böyük diqqətlə həyata keçirilir. O, bu siyasətin önündə gedən peşəkar kadrlardan biri kimi daim məsuliyyətlə və fədakarlıqla çalışır.
Yaşar Salahovun həyata keçirdiyi işlərin nəticəsi bu gün paytaxt sakinlərinin və şəhərimizin qonaqlarının gündəlik həyatda görüb qiymətləndirdiyi yaşıllıq zonalarıdır. Parklarda rahat addımlayan insanlar, yeni salınmış çiçək zolaqlarının önündə şəkil çəkdirən gənclər, təmiz hava ilə dərindən nəfəs alan yaşlı sakinlər — bütün bunların hər birində onun əməyi, zəhməti və xidmət mədəniyyəti dayanır.
Bakıya sevgi ilə, peşəsinə məsuliyyətlə, ekologiyaya dərin hörmətlə xidmət edən Yaşar Salahov, sözün həqiqi mənasında, paytaxtın yaşıl simasının formalaşmasında mühüm rol oynayan nümunəvi dövlət qulluqçusudur. Onun fəaliyyəti həm peşəkarlığın, həm də vətəndaşlıq məsuliyyətinin parlaq nümunəsidir.

Dilşad Əhmədova
Baş redaktor